ಜಾಹೀರಾತು
ಕುವೈಟ್ : ಕುವೈತ್ ಮತ್ತು ಬಹರೈನ್ ರಾಷ್ಟ್ರಗಳು ತಮ್ಮ ಮೇಲೆ ದಾಳಿ ನಡೆಸುತ್ತಿರುವ ಇರಾನ್ ವಿರುದ್ಧ ಗೌಪ್ಯವಾಗಿ ವೈಮಾನಿಕ ದಾಳಿ ನಡೆಸುವ ಮೂಲಕ ಮಧ್ಯಪ್ರಾಚ್ಯ ಬಿಕ್ಕಟ್ಟಿನಲ್ಲಿ ಪ್ರಮುಖ ಬೆಳವಣಿಗೆಗೆ ಕಾರಣವಾಗಿವೆ. ಇರಾನ್ನ ಕ್ಷಿಪಣಿ ಮತ್ತು ಡ್ರೋನ್ಗಳ ಸಂಗ್ರಹಾಗಾರಗಳು ಹಾಗೂ ಪ್ರಮುಖ ಸೇನಾ ನಿರ್ಮಾಣಗಳನ್ನು ಗುರಿಯಾಗಿಸಿಕೊಂಡು ಈ ದಾಳಿಗಳನ್ನು ನಡೆಸಲಾಗಿದೆ. ಈ ಗೌಪ್ಯ ಕಾರ್ಯಾಚರಣೆಗೆ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಪ್ರಮುಖ ಗುಪ್ತಚರ ಮಾಹಿತಿ ಹಾಗೂ ವೈಮಾನಿಕ ಕಾರ್ಯಾಚರಣೆಗೆ ಅಗತ್ಯವಿದ್ದ ಸವಲತ್ತುಗಳನ್ನು ಒದಗಿಸಿ ಸಹಾಯ ಮಾಡಿದೆ. ಈ ಪ್ರತ್ಯಾಕ್ರಮಣವು ಯುದ್ಧ ಆರಂಭವಾದಾಗಿನಿಂದಲೂ ತಟಸ್ಥ ನಿಲುವು ತಳೆದಿದ್ದ ಕುವೈತ್ ಹಾಗೂ ಬಹರೈನ್ ದೇಶಗಳು ಇದೀಗ ಆ ಬಳಗದಿಂದ ಸಂಪೂರ್ಣವಾಗಿ ಹೊರಬಂದಿರುವುದನ್ನು ಸ್ಪಷ್ಟಪಡಿಸಿದೆ. ಇದರೊಂದಿಗೆ ಇರಾನ್ ಮೇಲಿನ ಯುದ್ಧದ ವಿಷಯದಲ್ಲಿ ಮಧ್ಯಪ್ರಾಚ್ಯದ ಅರಬ್ ರಾಷ್ಟ್ರಗಳು ತಳೆದಿರುವ ಬದಲಾದ ರಾಜತಾಂತ್ರಿಕ ಹಾಗೂ ಸೇನಾ ನಿಲುವುಗಳು ಬಹಿರಂಗಗೊಂಡಿವೆ.
ಸಂಘರ್ಷದ ಆರಂಭಿಕ ಹಂತದಲ್ಲಿ ಸೌದಿ ಅರೇಬಿಯಾ ಇರಾನ್ ಮೇಲೆ ದಾಳಿ ನಡೆಸಿತ್ತಾದರೂ, ಪ್ರಸ್ತುತ ಅದು ಇಂತಹ ದಾಳಿಗಳಿಂದ ದೂರ ಉಳಿದಿದೆ. ಆದರೆ, ಮೊದಲಿನಿಂದಲೂ ಇರಾನ್ನ ಆಕ್ರಮಣಕ್ಕೆ ಗುರಿಯಾಗಿದ್ದರೂ ಸುಮ್ಮನಿದ್ದ ಕುವೈತ್, ಬಹರೇನ್ ಮತ್ತು ಯುಎಇ ರಾಷ್ಟ್ರಗಳು ಇದೀಗ ಸಿಡಿದೆದ್ದು ನಿಂತಿರುವುದು ಮಧ್ಯಪ್ರಾಚ್ಯದಲ್ಲಿ ಹೊಸತೊಂದು ಸೇನಾ ಹಾಗೂ ರಾಜಕೀಯ ಧ್ರುವೀಕರಣಕ್ಕೆ ನಾಂದಿ ಹಾಡುವ ಸಾಧ್ಯತೆಯನ್ನು ಹುಟ್ಟುಹಾಕಿದೆ. ಮಧ್ಯಪ್ರಾಚ್ಯದಲ್ಲಿ ಬೃಹತ್ ಮಿಲಿಟರಿ ಬೆಳವಣಿಗೆಯೊಂದರಲ್ಲಿ, ಕುವೈತ್ ಮತ್ತು ಬಹರೈನ್ ರಾಷ್ಟ್ರಗಳು ತಮ್ಮ ಮೇಲೆ ದಾಳಿ ನಡೆಸುತ್ತಿದ್ದ ಇರಾನ್ ವಿರುದ್ಧ ಗೌಪ್ಯವಾಗಿ ವೈಮಾನಿಕ ದಾಳಿ ನಡೆಸಿವೆ. ಇರಾನ್ನ ಕ್ಷಿಪಣಿ ಹಾಗೂ ಡ್ರೋನ್ಗಳ ಸಂಗ್ರಹಾಗಾರಗಳು ಮತ್ತು ಇತರ ಪ್ರಮುಖ ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ಈ ಜಂಟಿ ದಾಳಿ ನಡೆಸಲಾಗಿದೆ. ಈ ಕಾರ್ಯಾಚರಣೆಗೆ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ತನ್ನ ಗುಪ್ತಚರ ಮಾಹಿತಿಗಳನ್ನು ಹಾಗೂ ವಾಯುದಾಳಿಗೆ ಅಗತ್ಯವಿದ್ದ ಮೂಲಸೌಕರ್ಯಗಳನ್ನು ಕಲ್ಪಿಸಿ ಪೂರ್ಣ ಬೆಂಬಲ ನೀಡಿದೆ.
ಈ ಹಠಾತ್ ದಾಳಿಯು ಯುದ್ಧದ ಆರಂಭದಿಂದಲೂ ತಟಸ್ಥ ನೀತಿ ತಳೆದಿದ್ದ ಕುವೈತ್ ಮತ್ತು ಬಹರೈನ್ ರಾಷ್ಟ್ರಗಳು ಇದೀಗ ಇರಾನ್ ವಿರುದ್ಧ ಅಖಾಡಕ್ಕಿಳಿದಿರುವುದನ್ನು ಸ್ಪಷ್ಟಪಡಿಸಿದೆ. ಜೊತೆಗೆ ಇರಾನ್ ಮೇಲಿನ ಯುದ್ಧದ ವಿಷಯದಲ್ಲಿ ಮಧ್ಯಪ್ರಾಚ್ಯ ರಾಷ್ಟ್ರಗಳ ರಾಜಕೀಯ ಮತ್ತು ಮಿಲಿಟರಿ ನಿಲುವುಗಳು ಬದಲಾಗುತ್ತಿರುವುದನ್ನು ಇದು ತೋರಿಸುತ್ತದೆ. ಯುದ್ಧದ ಆರಂಭಿಕ ಹಂತದಲ್ಲಿ ಸೌದಿ ಅರೇಬಿಯಾ ಇರಾನ್ ಮೇಲೆ ದಾಳಿ ನಡೆಸಿತ್ತಾದರೂ, ಪ್ರಸ್ತುತ ಅದು ಯುದ್ಧದಿಂದ ದೂರ ಉಳಿದಿದೆ. ಆದರೆ, ಇರಾನ್ನ ನಿರಂತರ ದಾಳಿಗಳ ಹೊರತಾಗಿಯೂ ಸುಮ್ಮನಿದ್ದ ಕುವೈತ್, ಬಹರೇನ್ ಮತ್ತು ಯುಎಇ ಈಗ ಸಿಡಿದೆದ್ದು ಪ್ರತ್ಯುತ್ತರ ನೀಡಿರುವುದು ಮಧ್ಯಪ್ರಾಚ್ಯ ಪ್ರದೇಶದಲ್ಲಿ ಹೊಸ ರೀತಿಯ ಸೈನ್ಯ ಹಾಗೂ ರಾಜಕೀಯ ಧ್ರುವೀಕರಣಕ್ಕೆ ನಾಂದಿ ಹಾಡಿದೆ.
