ಟೆಹ್ರಾನ್ : 'ಡ್ಯಾನ್ಸಿಂಗ್‌ ಮಿಸೈಲ್'(ನೃತ್ಯ ಮಾಡುವ ಕ್ಷಿಪಣಿ) ಎಂದು ಕರೆಯಲಾಗುವ ಅತ್ಯಾಧುನಿಕ ಸೆಜ್ಜಿಲ್ ಕ್ಷಿಪಣಿಗಳ ಮೂಲಕ ಇರಾನ್‌ ಇದೇ ಮೊದಲ ಬಾರಿಗೆ ಇಸ್ರೇಲ್ ಮತ್ತು ಅಮೆರಿಕ ನೆಲೆಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆದಿದೆ. ಈ ಕ್ಷಿಪಣಿಗಳು 2000 ಕಿ.ಮೀ.ಗುರಿ ತಲುಪಬಲ್ಲ ಸಾಮರ್ಥ್ಯ ಹಾಗೂ 7000 ಕೇಜಿಯಷ್ಟು ಪೇಲೋಡ್ ಹೊತ್ತೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ. ಸೆಜ್ಜಿಲ್ 2 ಹಂತದ ಘನ ಇಂಧನ ಮಧ್ಯಮ ಶ್ರೇಣಿಯ ಖಂಡಾಂತರ ಕ್ಷಿಪಣಿಯಾಗಿದೆ. ಎತ್ತರ ಕುಶಲ ಸಾಮರ್ಥ್ಯದಿಂದಾಗಿ ಇದನ್ನು ಡ್ಯಾನ್ಸಿಂಗ್ ಮಿಸೈಲ್ ಎಂದೂ ಕರೆಯಲಾಗುತ್ತದೆ. ಇದು ಐರನ್ ಡೋಮ್‌ನಂತಹ ಕ್ಷಿಪಣಿ ರಕ್ಷಣಾ ವ್ಯವಸ್ಥೆಗಳನ್ನು ಭೇದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇರಾನ್‌ ದೇಶೀಯವಾಗಿ ಅಭಿವೃದ್ಧಿಪಡಿಸಿರುವ ಈ ಕ್ಷಿಪಣಿ ಗರಿಷ್ಠ ಪ್ರಮಾಣದಲ್ಲಿ ಪರಿಣಾಮ ಬೀರಬಲ್ಲದು ಎಂದು ವರದಿಯಾಗಿದೆ.