ನವದೆಹಲಿ : ರಷ್ಯಾದಿಂದ ಕಚ್ಚಾ ತೈಲ ತುಂಬಿದ ಭಾರತಕ್ಕೆ  ಬರುತ್ತಿದ್ದ ಟ್ಯಾಂಕರ್ ಹಡಗು, ತನ್ನ ಹಾದಿಯನ್ನು ಹಿಮ್ಮುಖಗೊಳಿಸಿ ಬಾಲ್ಟಿಕ್ ಸಮುದ್ರದಲ್ಲಿ ನಿಷ್ಕ್ರಿಯವಾಗಿ ನಿಂತಿದೆ. ಇದು ಮಾಸ್ಕೋ ಮೇಲೆ ಅಮೆರಿಕ ನಿರ್ಬಂಧಗಳನ್ನ ಬಿಗಿಗೊಳಿಸಿದ ನಂತರ ಎರಡೂ ದೇಶಗಳ ನಡುವಿನ ತೈಲ ವ್ಯಾಪಾರದಲ್ಲಿ ಸಂಭಾವ್ಯ ಅಡ್ಡಿಯಾಗುವ ಸಂಕೇತವಾಗಿದೆ. ಫ್ಯೂರಿಯಾ ಡೆನ್ಮಾರ್ಕ್ ಮತ್ತು ಜರ್ಮನ್ ನಡುವಿನ ಜಲಸಂಧಿಯಲ್ಲಿ ಪಶ್ಚಿಮಕ್ಕೆ ಚಲಿಸುತ್ತಿದ್ದಾಗ ಮಂಗಳವಾರ ತಿರುಗಿ ಸ್ವಲ್ಪ ದೂರ ಸಾಗಿ ನಂತರ ತೀವ್ರವಾಗಿ ನಿಧಾನವಾಯಿತು ಎಂದು ಹಡಗು ಟ್ರ್ಯಾಕಿಂಗ್ ದತ್ತಾಂಶ ತೋರಿಸಿದೆ. ಕೆಪ್ಲರ್ ಪ್ರಕಾರ, ಅಫ್ರಾಮ್ಯಾಕ್ಸ್ ರೋಸ್ನೆಫ್ಟ್ ಪಿಜೆಎಸ್‌ಸಿ ಮಾರಾಟ ಮಾಡಿದ ಸರಕುಗಳನ್ನು ಸಾಗಿಸುತ್ತಿದೆ. ಸರ್ಕಾರಿ ಸ್ವಾಮ್ಯದ ರೋಸ್ನೆಫ್ಟ್ ಮತ್ತು ರಷ್ಯಾದ ತೈಲ ದೈತ್ಯ ಲುಕೋಯಿಲ್ ಪಿಜೆಎಸ್‌ಸಿ ಮೇಲೆ ಅಮೆರಿಕ ನಿರ್ಬಂಧಗಳನ್ನು ವಿಧಿಸಿದ ಒಂದು ವಾರದ ನಂತರ ಫೆಹ್ಮರ್ನ್ ಬೆಲ್ಟ್‌'ನಲ್ಲಿ ಹಡಗಿನ ಯು-ಟರ್ನ್ ಸಂಭವಿಸಿದೆ. ನವೆಂಬರ್ 21 ರೊಳಗೆ ಎರಡೂ ಕಂಪನಿಗಳನ್ನ ಒಳಗೊಂಡ ವಹಿವಾಟುಗಳನ್ನು ಕೊನೆಗೊಳಿಸಬೇಕು ಎಂದು ಖಜಾನೆ ಇಲಾಖೆ ತಿಳಿಸಿದೆ.