ವಾಲ್ ಸ್ಟ್ರೀಟ್ : ಯುಎಸ್ ನಲ್ಲಿ ಶಟ್ ಡೌನ್ ಶುರುವಾಗಿದೆ. ವಾಷಿಂಗ್ಟನ್ ಡಿಸಿಯಲ್ಲಿ ಮಧ್ಯರಾತ್ರಿಯಲ್ಲಿ, ಯುಎಸ್ ಫೆಡರಲ್ ಸರ್ಕಾರವು ಅಧಿಕೃತವಾಗಿ ಕಾರ್ಯಾಚರಣೆಯನ್ನು ನಿಲ್ಲಿಸಿದೆ. ರಿಪಬ್ಲಿಕನ್ ನಿಯಂತ್ರಿತ ಸೆನೆಟ್ ಸರ್ಕಾರಿ ಖರ್ಚು ಮಸೂದೆಯನ್ನು ಅಂಗೀಕರಿಸಲು ವಿಫಲವಾದ ನಂತರ ಈ ಸರ್ಕಾರಿ ಶಟ್ ಡೌನ್ ಆರಂಭವಾಗಿದೆ. 2018ರ ನಂತರ ಮೊದಲ ಬಾರಿಗೆ ಶಟ್ ಡೌನ್ ಆಗಿದ್ದು, ಅನಿವಾರ್ಯವಲ್ಲದ ಸರ್ಕಾರಿ ನೌಕರರನ್ನು ವೇತನವಿಲ್ಲದೆ ರಜೆಯ ಮೇಲೆ ಕಳುಹಿಸಲಾಗುತ್ತದೆ. ನವೆಂಬರ್ 21 ರವರೆಗೆ ಸರ್ಕಾರವನ್ನು ಮುಂದುವರೆಸಲು ರಿಪಬ್ಲಿಕನ್ನರು ಅಲ್ಪಾವಧಿಯ ಹಣಕಾಸು ಮಸೂದೆಯನ್ನು ಮಂಡಿಸಿದರು. ಆದರೆ, ಡೆಮೋಕ್ರಾಟ್‌ಗಳು ಅದನ್ನು ಬೆಂಬಲಿಸಲಿಲ್ಲ. ಡೆಮೋಕ್ರಾಟ್‌ಗಳ ಪ್ರಮುಖ ಬೇಡಿಕೆಗಳನ್ನು, ವಿಶೇಷವಾಗಿ ಆರೋಗ್ಯ ಸೌಲಭ್ಯಗಳನ್ನು ಒಳಗೊಂಡಿರಲಿಲ್ಲ ಎನ್ನುವ ಕಾರಣಕ್ಕೆ ಹಣಕಾಸು ಮಸೂದೆಯನ್ನು ಬೆಂಬಲಿಸಲಿಲ್ಲ. ಹಾಗಾಗಿ ಸೆನೆಟ್‌ನಲ್ಲಿನ ಮತದಾನವು 55-45 ಕ್ಕೆ ಹೋಯಿತು. ಮಸೂದೆಯನ್ನು ಅಂಗೀಕರಿಸಲು 60 ಮತಗಳ ಅಗತ್ಯವಿತ್ತು. ಇಲ್ಲಿ ಎರಡೂ ಕಡೆಯವರು ರಾಜಿ ಮಾಡಿಕೊಳ್ಳುವ ಸಾಧ್ಯತೆ ತೀರಾ ಕಡಿಮೆ.

ಮಿಲಿಟರಿ ಮತ್ತು ಭದ್ರತಾ ಸಿಬ್ಬಂದಿಯಂತಹ ಅಗತ್ಯ ಕಾರ್ಮಿಕರು ಕೆಲಸ ಮುಂದುವರಿಸುತ್ತಾರೆ. ಆದರೆ, ಅವರಿಗೆ ವೇತನ ಸಿಗುವುದಿಲ್ಲ. ಅಮೆರಿಕದ ಸುಮಾರು ಲಕ್ಷ ಮಂದಿ ಸರ್ಕಾರಿ ನೌಕರರು ಸಾಮೂಹಿಕವಾಗಿ ರಾಜೀನಾಮೆ ನೀಡುವ ಸಾಧ್ಯತೆಯಿದೆ. ಈ ರೀತಿ ಆದರೆ ಅಮೆರಿಕ ಇತಿಹಾಸದಲ್ಲೇ ಅತಿದೊಡ್ಡ ಸಾಮೂಹಿಕ ರಾಜೀನಾಮೆ ಇದಾಗಲಿದೆ. ಇದರೊಂದಿಗೆ ಅನಿವಾರ್ಯವಲ್ಲದ ಕಾರ್ಮಿಕರನ್ನು ತಾತ್ಕಾಲಿಕವಾಗಿ ಕೆಲಸದಿಂದ ತೆಗೆದುಹಾಕಲಾಗುತ್ತದೆ. ಇದರಿಂದಾಗಿ ಸುಮಾರು 750,000 ಫೆಡರಲ್ ಉದ್ಯೋಗಿಗಳು ಇದರಿಂದ ತೊಂದರೆಗೊಳಗಾಗುತ್ತಾರೆ ಎಂದು ಅಂದಾಜಿಸಲಾಗಿದೆ. ಇದರ ಪರಿಣಾಮವಾಗಿ ಅನೇಕ ಸರ್ಕಾರಿ ಸೇವೆಗಳು ನಿಲ್ಲಬಹುದು ಅಥವಾ ನಿಧಾನವಾಗಬಹುದು. ಇದು ಸಾರ್ವಜನಿಕರು ಮತ್ತು ವ್ಯವಹಾರಗಳ ಮೇಲೆ ಪರಿಣಾಮ ಬೀರುತ್ತದೆ. ಪ್ರಮುಖ ಪ್ರಕರಣಗಳು ಮಾತ್ರ ವಿಚಾರಣೆಗೆ ಬರುತ್ತವೆ. ಉದ್ಯಮ ಸ್ಥಗಿತಗೊಂಡರೆ ಅನೇಕ ಕಾರ್ಮಿಕರನ್ನು ಕೆಲಸದಿಂದ ತೆಗೆದುಹಾಕುವ ಸಾಧ್ಯತೆ ಇದೆ ಎಂದು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎಚ್ಚರಿಸಿದ್ದಾರೆ. ಸರ್ಕಾರಿ ಕಾರ್ಯಾಚರಣೆಗಳು ಸ್ಥಗಿತಗೊಂಡರೆ, ಅನೇಕ ಉದ್ಯೋಗಿಗಳಿಗೆ ವೇತನ ಅಥವಾ ರಜೆ ನೀಡಲಾಗುವುದಿಲ್ಲ. ಪ್ರಮುಖ ಸಾರ್ವಜನಿಕ ಸೇವೆಗಳಿಗೆ ಅಡ್ಡಿಯಾಗಬಹುದು. ಎರಡೂ ಕಡೆಯವರು ರಾಜಿ ಮಾಡಿಕೊಳ್ಳುವವರೆಗೆ ಈ ಸಂಘರ್ಷ ಮುಂದುವರಿಯುತ್ತದೆ.