ಜಾಹೀರಾತು
ಮಂಗಳೂರು: ಮಂಗಳೂರಿನ ಕೇಶವ ಸ್ಮೃತಿ ಸೌಂವರ್ಧನಾ ಸಮಿತಿ ಆಶ್ರಯದಲ್ಲಿ ಸಂಘನಿಕೇತನದಲ್ಲಿ ನಡೆಯುತ್ತಿರುವ ಸಾರ್ವಜನಿಕ ಶ್ರೀ ಗಣೇಶೋತ್ಸವಕ್ಕೆ 77ರ ಸಂಭ್ರಮ, ತಾ. 07 ಸಪ್ಟೆಂಬರ್ 2024ನೇ ಶನಿವಾರದಿಂದ ಮೊದಲ್ಗೊಂಡು ತಾ. 11 ಸಪ್ಟೆಂಬರ್ 2024ನೇ ಬುಧವಾರದವರೆಗೆ 5 ದಿನಗಳ ಪರ್ಯಂತ ನಡೆಯಲಿರುವ ಗಣೇಶೋತ್ಸವದ ಯಶಸ್ಸಿಗಾಗಿ ಕೆ. ಪ್ರವೀಣ್ ಕುಮಾರ್ ಅಧ್ಯಕ್ಷತೆಯಲ್ಲಿ ವಿವಿಧ ಸಮಿತಿಗಳನ್ನು ರಚಿಸಲಾಗಿದೆ ಎಂದು ಸಾರ್ವಾಜನಿಕ ಶ್ರೀ ಗಣೇಶೋತ್ಸವ ಸಮಿತಿಯ ಉಪಾಧ್ಯಕ್ಷರಾದ ಎಂ ಸತೀಶ್ ಪ್ರಭು ನಗರದ ಸಂಘ ನಿಕೇತನದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ತಾ. 07 ಸಪ್ಟೆಂಬರ್ 2024ನೇ ಶನಿವಾರದಂದು ಉತ್ಸವದ ಉದ್ಘಾಟನೆಯನ್ನು ಹೆಸರಾಂತ ಆರ್ಥಿಕ ಚಿಂತಕ, ಮಣಿಪಾಲ ಗ್ಲೋಬಲ್ ಎಜ್ಯುಕೇಶನ್‌ ಚೇರ್‌ಮೆನ್‌ರಾದ ಟಿ. ವಿ. ಮೋಹನದಾಸ ಪೈ ದೀಪ ಬೆಳಗಿಸುವುದರ ಮೂಲಕ ನೆರವೇರಿಸಲಿದ್ದು, ಧ್ವಜಾರೋಹಣ, ವಂದೇ ಮಾತರಂ, ಗಣಹೋಮ, ಮಹಾಪೂಜೆ ಅನಂತರ ರಥಬೀದಿಯ ಶ್ರೀ ವೀರವೆಂಕಟೇಶ ಭಜನಾ ಮಂಡಳಿಯಿಂದ ಭಜನೆ ನಡೆಯಲಿದೆ. ಗಣೇಶೋತ್ಸವ ಸಮಿತಿಯ ವತಿಯಿಂದ ನಡೆದ ವಿವಿಧ ಸ್ಪರ್ಧೆಗಳ ವಿಜೇತರಿಗೆ ಸಂಜೆ 7.00 ಗಂಟೆಗೆ ನಡೆಯಲಿರುವ ಸಭಾ ಕಾರ್ಯಕ್ರಮದಲ್ಲಿ ಲೋಟಸ್ ಪ್ರಾಪರ್ಟಿಸ್‌ ಜಿತೇಂದ್ರ ಕೊಟ್ಟಾರಿ ಬಹುಮಾನ ವಿತರಿಸಲಿರುವರು. 745ಕ್ಕೆ ಮೂಡಗಣಪತಿ ಪೂಜೆ ಹಾಗೂ ರಂಗಪೂಜೆ ನಡೆಯಲಿದೆ.
ತಾ. 08 ಸಪ್ಟೆಂಬರ್ 2024ರಂದು ವಿದುಷಿ ಕು! ಮೇಧಾ ವಿದ್ಯಾಭೂಷಣ್ ಇವರಿಂದ ಭಜನ್ ಸಂಧ್ಯಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪ್ರೊಪೇಷನಲ್ ಕೊರಿಯರ್ ನ ನರೇಂದ್ರ ನಾಯಕ್ ಮಿತ್ತಬೈಲ್ ವಹಿಸಲಿರುವರು. ತಾರೀಕು 9 ಸಪ್ಟೆಂಬರ್ 2024ರಂದು ಸಂಜೆ 6.00ಕ್ಕೆ ಕರ್ನಾಟಕ ಯಕ್ಷಧಾಮದ ಜನಾರ್ಧನ ಹಂದೆ ನಿರ್ದೇಶನದಲ್ಲಿ ಯಕ್ಷಗಾನ ಬಯಲಾಟ 'ಭಕ್ತಿವಿಜಯ' ನಡೆಯಲಿದ್ದು ಅಧ್ಯಕ್ಷತೆಯನ್ನು ಸಿಟಾಡೆಲ್ ಡೆವಲಪರ್‌ ನಿರ್ದೇಶಕರಾದ ರಾಮಕುಮಾ‌ರ್ ಬೇಕಲ್ ವಹಿಸಲಿರುವರು. ತಾ. 10 ಸಪ್ಟೆಂಬರ್ 2024ರಂದು ಬೆಳಿಗ್ಗೆ 5.00 ಗಂಟೆಗೆ ಉಪುಕಾಲ ಪೂಜೆ, ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ, ಸಂಜೆ 6.00 ಗಂಟೆಗೆ ಸನಾತನ ನಾಟ್ಯಾಲಯದ ನೃತ್ಯ ವೈವಿಧ್ಯ-ಸನಾತನ ರಾಷ್ಟ್ರಾಂಜಲಿ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಭಾರತ್ ಬೀಡಿ ವರ್ಕ್ಸ್‌ನ ಬಿ. ವೆಂಕಟೇಶ್ ಪೈ ವಹಿಸಲಿರುವರು. ಪ್ರತೀ ದಿನವು ವಿವಿಧ ಭಜನಾ ಮಂಡಳಿಗಳಿಂದ ಭಜನಾ ಕಾರ್ಯಕ್ರಮವು ನಡೆಯಲಿದೆ.
ತಾ. 11 ಸೆಪ್ಟೆಂಬರ್ 2024 ಬುಧವಾರದಂದು ಸಂಜೆ 6.15ಕ್ಕೆ ಶ್ರೀ ಗಣೇಶನ ಶೋಭಾಯಾತ್ರೆಗೆ ಆದಿದ್ರಾವಿಡ ಸೇವಾ ಸಂಘದ ಅಧ್ಯಕ್ಷರಾದ ರಘುನ ಅತ್ತಾವರ ಚಾಲನೆ ನೀಡಲಿರುವರು. ಶೋಭಾಯಾತ್ರೆಯು ಉತ್ಸವ ಸ್ಥಾನದಿಂದ ಹೊರಟು ಮಣ್ಣಗುಡ್ಡ, ಅಳಕೆ, ನ್ಯೂಚಿತ್ರ ಜಂಕ್ಷನ್, ರಥಬೀದಿಯಾಗಿ ಮಹಮ್ಮಾಯ ಕೆರೆಯಲ್ಲಿ ಪೂಜೆ. ವಂದೇ ಮಾತರಂ, ಧ್ವಜಾವರೋಹಣ ನಂತರ ವಿಸರ್ಜನೆ ನಡೆಯಲಿದೆ. ಮಹಾಜನತೆ ಎಲ್ಲಾ ಕಾರ್ಯಕ್ರಮಗಳ ಪಾಲ್ಗೊಂಡು ಶ್ರೀ ವಿಶ್ವೇಶ್ವರನ ಕೃಪೆಗೆ ಪಾತ್ರಗಬೇಕೆಂದು ವಿನಂತಿಸಿದರು. ಈ ಸಂದರ್ಭದಲ್ಲಿ ಅಧ್ಯಕ್ಷರಾದ ಪ್ರವೀಣ್ ಕುಮಾರ್ , ಗಜಾನನ ಪೈ, ಪ್ರಕಾಶ್ ಗರೋಡಿ, ನಂದನ್ ಮಲ್ಯ ಉಪಸ್ಥಿತರಿದ್ದರು.
