ಹೈದರಾಬಾದ್​: ದಾನಿಗಳ ಹೃದಯ ಸಾಗಾಟ ಮತ್ತು ಜೀವ ಉಳಿಸುವ ಉದ್ದೇಶದಿಂದ ಹೈದರಾಬಾದ್​ ಮೆಟ್ರೋ ರೈಲು ದಾಖಲೆ ನಿರ್ಮಾಣ ಮಾಡಿದೆ. ತುರ್ತು ವೈದ್ಯಕೀಯ ಉದ್ದೇಶದಿಂದ ಮೆಟ್ರೋ ರೈಲು ಕೇವಲ 12 ನಿಮಿಷದಲ್ಲಿ 13 ಕಿ.ಮೀ ಪ್ರಯಾಣ ಮಾಡಿ ಒಂದು ಜೀವ ಉಳಿಸುವ ಕೆಲಸ ಮಾಡಿದೆ.

ಎಲ್​ಬಿ ನಗರ್​ ಕಾರಿಡಾರ್​ನ ಕಮಿನೆನಿ ಆಸ್ಪತ್ರೆಯಿಂದ ಸಿಕಂದ್ರಬಾದ್​ನ ರಸೋಲ್​ಪುರದಲ್ಲಿನ ಕಿಮ್ಸ್​ ಆಸ್ಪತ್ರೆಗೆ ಶುಕ್ರವಾರ ಜೀವಂತ ಹೃದಯ ಸಾಗಣೆ ಮಾಡಲಾಗಿದೆ. ಇದಕ್ಕಾಗಿ 9.16ಕ್ಕೆ ವಿಶೇಷ ಗ್ರೀನ್​ ಚಾನಲ್​ ಮೂಲಕ 11 ನಿಲ್ದಾಣಗಳಿರುವ ಮಾರ್ಗದಲ್ಲಿ ಕೇವಲ 12 ನಿಮಿಷಗಳಲ್ಲಿ ಸಾಗಣೆ ಮಾಡಿ ವಿಕ್ರಮ ಮೆರೆಯಲಾಗಿದೆ. ಇದಕ್ಕಾಗಿ ಮೆಟ್ರೋ ಅಧಿಕಾರಿಗಳು ವೇಗದ ಕೆಲಸ ಮಾಡಿ, ಹೃದಯ ಸಾಗಣೆಗೆ ಬೇಕಾದ ಎಲ್ಲ ವ್ಯವಸ್ಥೆಯನ್ನು ಮಾಡಿದ್ದರು. ಈ ಮೂಲಕ ಜೀವ ಉಳಿಸುವ ಕಾರ್ಯದಲ್ಲಿ ಗಮನಾರ್ಹ ಕೊಡುಗೆ ನೀಡಿದ್ದಾರೆ.

ಹೈದರಾಬಾದ್​ ಮೆಟ್ರೋ ರೈಲು, ವೈದ್ಯಕೀಯ ವೃತ್ತಿಪರರು ಮತ್ತು ಆಸ್ಪತ್ರೆ ಆಡಳಿತದಿಂದ ಈ ರೀತಿಯ ಅದ್ಬುತ ಕಾರ್ಯವೊಂದು ನಡೆದಿದೆ. ನಿರ್ಣಾಯಕ ತುರ್ತು ವೈದ್ಯಕೀಯ ಪರಿಸ್ಥಿತಿಯಲ್ಲಿ, ಇಂತಹ ಸಹಯೋಗದ ಪ್ರಯತ್ನ ಅಗತ್ಯ ಎಂಬುದನ್ನು ಮೆಟ್ರೋ ಅಧಿಕಾರಿಗಳು ತಿಳಿಸಿದ್ದಾರೆ.