ಜಾಹೀರಾತು
ಮಂಗಳೂರು: ನಿಜವಾಗಿಯೂ ಸಿದ್ಧರಾಮ್ಯರಿಗೆ ಪುರುಷತ್ವ, ಮನುಷ್ಯತ್ವ, ಇದ್ದರೆ ಈ ಪ್ರಕರಣವನ್ನು ಸಿಬಿಐಗೆ ಕೊಡಲಿ ಆಗ ತಮ್ಮ ನಾಯಕತ್ವವನ್ನು ನಾನು ಒಪ್ಪಿಕೊಳ್ಳುತ್ತೇನೆ ಎಂದು ಅನ್ವರ್ ಮಾಡಿಪ್ಪಾಡಿ ಸವಾಲೆಸೆದಿದ್ದಾರೆ.
ವಕ್ಫ್ ವರದಿ ಅನುಷ್ಠಾನ ಮಾಡದಂತೆ ಬಿಜೆಪಿ ರಾಜ್ಯಾಧ್ಯಕ್ಷ ವಿಜಯೇಂದ್ರ ನನಗೆ 150 ಕೋಟಿ ಹಣ ಆಫರ್ ಮಾಡಿಲ್ಲ ಎಂದು ಅಲ್ಪಸಂಖ್ಯಾತರ ಆಯೋಗದ ಮಾಜಿ ಅಧ್ಯಕ್ಷ ಅನ್ವರ್ ಮಾಣಿಪ್ಪಾಡಿ ಸ್ಪಷ್ಟನೆ ನೀಡಿದ್ದಾರೆ.
2013-14ರಲ್ಲಿ ವಕ್ಫ್ ವರದಿ ನೀಡಿದ ಸಂದರ್ಭ ವಿಜಯೇಂದ್ರ ಇರಲಿಲ್ಲ. ಅವರು ಸೀನ್‌ಗೆ ಬಂದದ್ದೇ ಐದಾರು ವರ್ಷಗಳ ಹಿಂದೆ. ಬಿಜೆಪಿ ಉಪಾಧ್ಯಕ್ಷರಾಗಿದ್ದಾಗ ಪಾರ್ಟಿ ಆಫೀಸ್‌ನಲ್ಲಿ ವಿಜಯೇಂದ್ರರೊಂದಿಗೆ ತಮ್ಮ ತಂದೆಯವರಲ್ಲಿ ಬಿಜೆಪಿ ಇರುವಾಗಲೇ ವರದಿ ಅನುಷ್ಠಾನ ಮಾಡಬಹುದಲ್ವಾ ಎಂದು ಕೇಳಿದ್ದೆ. ಆಗ ಅವರು ತಾವು ಬಹಳ ನೊಂದಿದ್ದೀರಾ. ಕಷ್ಟಪಟ್ಟಿದ್ದೀರಾ. ಸುಮ್ಮನಿದ್ದುಬಿಡಿ ಎಂದು ಹೇಳಿದ್ದರು.
ವಿಜಯೇಂದ್ರರ ಆ ಹೇಳಿಕೆಯಿಂದ ಕೋಪಗೊಂಡಿದ್ದ ನಾನು ಅವರಿಗೆ ಆಗಲೇ ಸಿಕ್ಕಾಪಟ್ಟೆ ಬೈದಿದ್ದೆ. ವರದಿ ಬಗ್ಗೆ ನಿರ್ಲಕ್ಷ್ಯ ಮಾಡಿದ್ದಕ್ಕೆ ವಿಜಯೇಂದ್ರ ಮೇಲೂ ಕಿಡಿ ಕಾರಿದ್ದೇನೆ. ನನ್ನ ವರದಿಯನ್ನು ಯಾರೂ ವಿರೋಧಿಸಿದ್ದಾರೋ, ನಿರ್ಲಕ್ಷಿಸಿದ್ದಾರೋ ಅವರಿಗೆಲ್ಕಾ ಸೇರಿದಂತೆ ಬಿಜೆಪಿ ಬಗ್ಗೆಯೂ ಕಿಡಿಕಾರಿದ್ದೇನೆ. ಆದರೆ ವಿಜಯೇಂದ್ರ ನನಗೆ 150 ಕೋಟಿ ರೂ. ಆಫರ್ ಮಾಡಲೂ ಇಲ್ಲ. ಕೊಟ್ಟೂ ಇಲ್ಲ ಎಂದು ಹೇಳಿದರು.
