ನವದೆಹಲಿ : ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಎಎಪಿ ಕಣಕ್ಕೆ ಇಳಿದ ಏಕಮಾತ್ರ ಉದ್ದೇಶ ಅದು ಕಾಂಗ್ರೆಸ್​​ಗೆ ಹಾನಿ ಮಾಡುವುದಾಗಿತ್ತು. ಎಎಪಿಯ ಈ ನಡೆ ವಿಪಕ್ಷಗಳ ಮೈತ್ರಿ ಕೂಟಕ್ಕೆ ಮಾಡಿದ ದ್ರೋಹ ಎಂದು ಸ್ವಾತಿ ಮಾಲಿವಾಲ ವಾಗ್ದಾಳಿ ನಡೆಸಿದ್ದಾರೆ.ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಆಮ್​ ಆದ್ಮಿ ಪಕ್ಷ ಸ್ಪರ್ಧೆ ಮಾಡುವ ಮೂಲಕ ಇಂಡಿಯಾ (I.N.D.I.A) ಒಕ್ಕೂಟಕ್ಕೆ ದ್ರೋಹ ಮಾಡಿದ್ದು, ಕಾಂಗ್ರೆಸ್​ ಮತ ವಿಭಜಿಸಿದೆ ಎಂದು ರಾಜ್ಯಸಭಾ ಸದಸ್ಯೆ ಸ್ವಾತಿ ಮಾಲಿವಾಲ್​ ಆರೋಪಿಸಿದ್ದಾರೆ.

ಎಎಪಿ ಬಿಜೆಪಿಯನ್ನು ಮಣಿಸುವ ಉದ್ದೇಶಕ್ಕೆ ಬದಲಾಗಿ ಕಾಂಗ್ರೆಸ್​ಗೆ ಹಾನಿ ಮಾಡಲು ಅಭ್ಯರ್ಥಿಗಳನ್ನು ಎಎಪಿ ಕಣಕ್ಕೆ ಇಳಿಸಿತು. ವಿನೇಶ್​ ಫೋಗಟ್​ ವಿರುದ್ಧ ಕೂಡ ಇದೇ ನಿಲುವನ್ನು ಎಎಪಿ ಹೊಂದಿ ಅಭ್ಯರ್ಥಿಗಳನ್ನು ಕಣಕ್ಕೆ ಇಳಿಸಿತು, ನಿಮ್ಮ ಸ್ವಂತ ರಾಜ್ಯದಲ್ಲೇ ನೀವು ಡಿಪೋಸಿಟ್​​ ಉಳಿಸಿಕೊಳ್ಳಲು ಸಾಧ್ಯವಾಗದೇ ಇರುವ ಸಂದರ್ಭದಲ್ಲಿ ಚುನಾವಣೆ ಸ್ಪರ್ಧೆ ಏಕೆ ಎಂದು ಪ್ರಶ್ನಿಸಿದ ಮಾಲಿವಾಲ್,​ ನಿಮ್ಮ ದುರಹಂಕಾರ ಪಕ್ಕಕ್ಕಿಟ್ಟು, ಜನರಿಗಾಗಿ ಕೆಲಸ ಮಾಡಲು ಇನ್ನೂ ಸಮಯವಿದೆ ಎಂದು ಎಚ್ಚರಿಸಿದ್ದಾರೆ.ಹರಿಯಾಣದಲ್ಲಿ ವಿಧಾನಸಭಾ ಚುನಾವಣಾ ಫಲಿತಾಂಶದಲ್ಲಿ ಬಿಜೆಪಿ ಮುನ್ನಡೆ ಸಾಧಿಸುತ್ತಿದ್ದಂತೆ ಎಎಪಿ ರಾಜ್ಯಸಭಾ ಸದಸ್ಯೆ ತಮ್ಮ ಸ್ವಪಕ್ಷದ ವಿರುದ್ಧವೇ ಹರಿಹಾಯ್ದಿದ್ದಾರೆ. ಮತ ಎಣಿಕೆ ಆರಂಭದಾದ ಮೊದಲೆರಡು ಗಂಟೆಯಲ್ಲಿ ಹರಿಯಾಣದಲ್ಲಿ ಕಾಂಗ್ರೆಸ್​ ಮುನ್ನಡೆಗಳಿಸಿದರೂ, ಬಳಿಕ ಬಿಜೆಪಿ ಮುನ್ನಡೆ ಸಾಧಿಸಿತು. ಚುನಾವಣಾ ಆಯೋಗದ ವೆಬ್​ಸೈಟ್​ ಪ್ರಕಾರ, 90 ಕ್ಷೇತ್ರದಲ್ಲಿ ಬಿಜೆಪಿ 48 ಸ್ಥಾನದಲ್ಲಿ ಮುನ್ನಡೆ ಸಾಧಿಸಿದ್ದರೆ, ಬಿಜೆಪಿ 35 ಸ್ಥಾನದಲ್ಲಿ ಗೆಲುವು ಕಂಡಿದೆ.