ಜಪಾನ್ : ಮಂಗಳವಾರ ಪೆಸಿಫಿಕ್ ಮಹಾಸಾಗರದ ಜನನಿಬಿಡ ದ್ವೀಪವೊಂದರಲ್ಲಿ 5.9 ತೀವ್ರತೆಯ ಭೂಕಂಪನದ ನಂತರ ಜಪಾನ್‌ಗೆ ಸಣ್ಣ ಸುನಾಮಿ ಅಪ್ಪಳಿಸಿದೆ.

ಜಪಾನ್ ಹವಾಮಾನ ಸಂಸ್ಥೆಯ ಪ್ರಕಾರ, ಭೂಕಂಪದ ಸುಮಾರು 40 ನಿಮಿಷಗಳ ನಂತರ 50 ಸೆಂ (1.6 ಅಡಿ) ಸುನಾಮಿಯು ಇಜು ದ್ವೀಪಗಳಲ್ಲಿ ಒಂದಾದ ಹಚಿಜೋ ದ್ವೀಪವನ್ನು ಪ್ರವೇಶಿಸಿತು. ಇತರ ಮೂರು ದ್ವೀಪಗಳಾದ ಕೊಜುಶಿಮಾ, ಮಿಯಾಕೆಜಿಮಾ ಮತ್ತು ಇಜು ಒಶಿಮಾಗಳಲ್ಲಿ ಸಣ್ಣ ಸುನಾಮಿಗಳು ಪತ್ತೆಯಾಗಿವೆ ಎಂದು ಹವಾಮಾನ ಸಂಸ್ಥೆ ತಿಳಿಸಿದೆ.

ಇದುವರೆಗೆ ಸುನಾಮಿ ಅಥವಾ ಭೂಕಂಪದಿಂದ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಇಝು ಮತ್ತು ಒಗಸವಾರ ದ್ವೀಪಗಳಿಗೆ ಸುಮಾರು 1 ಮೀ (3.3 ಅಡಿ) ಎತ್ತರದ ಸುನಾಮಿಯ ಎಚ್ಚರಿಕೆಯನ್ನು ಹವಾಮಾನ ಸಂಸ್ಥೆ ನೀಡಿದೆ. ಸುಮಾರು 21,500 ಜನರು ಇಝ ಗುಂಪಿನ ದ್ವೀಪಗಳಲ್ಲಿ ಮತ್ತ ಸುಮಾರು 2,500 ಜನರು ಒಗಸವರ ದ್ವೀಪಗಳಲ್ಲಿ ವಾಸಿಸುತ್ತಿದ್ದಾರೆ.

ಏತನ್ಮಧ್ಯೆ, ಶನಿವಾರದಂದು ಜಪಾನ್‌ನ ನೋಟೊ ಪ್ರದೇಶದಲ್ಲಿ ದಾಖಲೆಯ ಮಳೆಯಾಗಿದ್ದು, ಕನಿಷ್ಠ ಒಬ್ಬರು ಸಾವನ್ನಪ್ಪಿದ್ದಾರೆ ಮತ್ತು ಏಳು ಜನರು ಕಾಣೆಯಾಗಿದ್ದಾರೆ ಎಂದು ವರದಿಯಾಗಿದೆ.