ಪಾಕಿಸ್ತಾನ : 2026ರ ನೊಬೆಲ್​ ಶಾಂತಿ ಪುರಸ್ಕಾರಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಅವರನ್ನು ನಾಮ ನಿರ್ದೇಶನಕ್ಕೆ ಶಿಫಾರಸ್ಸು ಮಾಡಿದ ನಿರ್ಧಾರವನ್ನು ಪುನರ್​ ಪರಿಶೀಲಿಸುವಂತೆ ಅನೇಕ ಪಾಕಿಸ್ತಾನ ರಾಜಕೀಯ ನಾಯಕರು ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ. ಇರಾನ್​ನ ಮೂರು ಪರಮಾಣು ಸೌಲಭ್ಯ ಘಟಕಗಳನ್ನು ಗುರಿಯಾಗಿಸಿಕೊಂಡು ಅಮೆರಿಕ ದಾಳಿ ನಡೆಸಿದ ಬೆನ್ನಲ್ಲೇ ಈ ಕುರಿತು ಒತ್ತಾಯಿಸಲಾಗಿದೆ. ಈ ಬೆಳವಣಿಗೆ ಒಂದೆರಡು ದಿನಗಳ ಹಿಂದೆ ಪಾಕಿಸ್ತಾನ ಮತ್ತು ಭಾರತ ಸಂಘರ್ಷ ಸಮಯದಲ್ಲಿ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ನಡೆಸಿದ ಶಾಂತಿ ಪ್ರಯತ್ನಕ್ಕೆ ಅವರಿಗೆ ಅತ್ಯುನ್ನತ ನೊಬೆಲ್​ ಪ್ರಶಸ್ತಿಗೆ ಹೆಸರನ್ನು ನಿರ್ದೇಶಿಸಿ ಪಾಕಿಸ್ತಾನ ಶಿಫಾರಸು ಮಾಡಿತ್ತು.

ಇದೀಗ ಅಮೆರಿಕ ಇರಾನ್​ ಮೇಲೆ ದಾಳಿ ನಡೆಸಿರುವುದನ್ನು ಪಾಕಿಸ್ತಾನ ಖಂಡಿಸಿದೆ. ಈ ನಡುವೆ ಉಪ ಪ್ರಧಾನಿ ಮತ್ತು ವಿದೇಶಾಂಗ ಸಚಿವ ಇಶಾಕ್​ ದಾರ್​ ಟ್ರಂಪ್​ ಹೆಸರನ್ನು ನೊಬೆಲ್​ ಶಾಂತಿ ಪುರಸ್ಕಾರಕ್ಕೆ ಶಿಫಾರಸು ಮಾಡಿ ನಾರ್ವೆಯಲ್ಲಿನ ಸಮಿತಿಗೆ ಕಳುಹಿಸಲಾಗಿದೆ ಎಂದಿದ್ದಾರೆ. ಈ ನಿರ್ಧಾರವನ್ನು ಮತ್ತೊಮ್ಮೆ ಪಾಕಿಸ್ತಾನ ಪುನರ್​ ಪರಿಶೀಲನೆ ಮಾಡುವಂತೆ ಪಾಕಿಸ್ತಾನದ ಕೆಲವು ಪ್ರಮುಖ ರಾಜಕೀಯ ನಾಯಕರು ಒತ್ತಾಯಿಸಿದ್ದಾರೆ ಎಂದು ಡಾನ್​ ಪತ್ರಿಕೆ ವರದಿ ಮಾಡಿದೆ. ಜಮಿಯತ್ ಉಲೇಮಾ ಇ ಇಸ್ಲಾಂ (ಜೆಯುಐ-ಎಫ್) ಮುಖ್ಯಸ್ಥ, ಹಿರಿಯ ರಾಜಕಾರಣಿ ಮೌಲಾನಾ ಫಜ್ಲುರ್ ರೆಹಮಾನ್, ಸರ್ಕಾರ ತನ್ನ ನಿರ್ಧಾರವನ್ನು ರದ್ದುಗೊಳಿಸಬೇಕೆಂದು ಒತ್ತಾಯಿಸಿದ್ದಾರೆ. ಅಧ್ಯಕ್ಷ ಟ್ರಂಪ್ ನಡೆ ಶಾಂತಿಯ ಹಕ್ಕು ಸುಳ್ಳು ಎಂದು ಸಾಬೀತು ಮಾಡಿದೆ. ಈ ಹಿನ್ನೆಲೆ ನೊಬೆಲ್ ಪ್ರಶಸ್ತಿಯ ಪ್ರಸ್ತಾಪವನ್ನು ಹಿಂಪಡೆಯಬೇಕು ಎಂದು ಪಕ್ಷಸ ಸಭೆಯಲ್ಲಿ ಒತ್ತಾಯಿಸಿದ್ದಾರೆ. ಇದೇ ವೇಳೆ ಸೇನಾ ಮುಖ್ಯಸ್ಥ ಆಸೀಮ್​ ಮುನಿರ್​ ವಿರುದ್ಧವೂ ಟೀಕಿಸಿದ್ದಾರೆ. ಟ್ರಂಪ್​ ಪ್ಯಾಲೆಸ್ತೇನ್​, ಸಿರಿಯಾ, ಲೆಬನಾನ್​​ ಮತ್ತು ಇರಾನ್​ ಮೇಲೆ ದಾಳಿಯನ್ನು ಬೆಂಬಲಿಸಿದ್ದಾರೆ. ಅದು ಹೇಗೆ ಶಾಂತಿ ಪ್ರಶಸ್ತಿಗೆ ಸಹಿ ಹಾಕಿದ್ದೀರಾ ಎಂದು ಪ್ರಶ್ನಿಸಿದ್ದಾರೆ. ಆಫ್ಘನ್ನರು ಮತ್ತು ಪ್ಯಾಲೆಸ್ಟೀನಿಯನ್ನರ ರಕ್ತ ಅಮೆರಿಕದ ಕೈಯಲ್ಲಿದೆ. ಹೇಗೆ ಅವರು ಶಾಂತಿಯ ಪ್ರತಿಪಾದಕರಾಗುತ್ತಾರೆ. ಗಾಜಾ ಮತ್ತು ಉಕ್ರೇನ್​ ಯುದ್ಧವನ್ನು ಬೇಗ ಕೊನೆಗೊಳ್ಳಿಸಲು ಮಾತುಕತೆ ಕೌಶಲ್ಯಕ್ಕೆ ಶಾಂತಿ ಪ್ರತಿಪಾದಕ ಎಂದು ಬಳಕೆ ಮಾಡಿ ಪ್ರಚಾರ ನಡೆಸಿದ್ದಾರೆ ಎಂದು ಟೀಕಿಸಿದರು.