ಪಶ್ಚಿಮ ಬಂಗಾಳ: ಇಲ್ಲಿನ ಮೇದಿನಿಪುರ ಜಿಲ್ಲೆಯ ಸಲ್ಬೊನಿಯಲ್ಲಿ 1,600 ಮೆಗಾ ವ್ಯಾಟ್​ ಸಾಮರ್ಥ್ಯದ ಉಷ್ಣ ವಿದ್ಯುತ್​ ಸ್ಥಾವರಕ್ಕೆ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಶಂಕುಸ್ಥಾಪನೆ ನೆರವೇರಿಸಿದರು.

ಈ ಸ್ಥಾವರ ತಲಾ 800 ಮೆಗಾವ್ಯಾಟ್​​ನ ಎರಡು ಘಟಕಗಳನ್ನು ಹೊಂದಿದ್ದು, ಜೆಎಸ್​ಡಬ್ಲ್ಯೂ ಎನರ್ಜಿ ನಿರ್ಮಾಣ ಮಾಡಿದೆ. ಕಂಪನಿಯು ಇದಕ್ಕಾಗಿ 1,600 ಕೋಟಿ ರೂ ಹೂಡಿಕೆ ಮಾಡಿದೆ. ಗ್ರೀನ್​ಫೀಲ್ಡ್​ ಸ್ಥಾವರ ಸ್ಥಾಪಿಸುವ ಮೂಲಕ ದೇಶದ ಪೂರ್ವ ಭಾಗದ ಇಂಧನ ವಲಯಕ್ಕೆ ಕಂಪನಿ ಇದೇ ಮೊದಲ ಬಾರಿ ಈ ಯೋಜನೆಯ ಮೂಲಕ ಪ್ರವೇಶಿಸಿದೆ.

ಮೊದಲ 800 ಮೆಗಾವ್ಯಾಟ್​​ ಘಟಕ 42 ತಿಂಗಳಲ್ಲಿ ಕಾರ್ಯಾರಂಭ ಮಾಡಲಿದ್ದು, ಎರಡನೇ ಘಟಕ 48 ತಿಂಗಳಲ್ಲಿ ಕಾರ್ಯಾರಂಭಿಸುವ ನಿರೀಕ್ಷೆಯಿದೆ. ಇದೇ ಸಲ್ಬೊನಿಯಲ್ಲಿ ಜೆಎಸ್​ಡಬ್ಲ್ಯೂ ಸಿಮೆಂಟ್​ ಗ್ರೈಡಿಂಗ್​​ ಘಟಕವನ್ನೂ ಕೂಡ ಹೊಂದಿದೆ.

ಕಾರ್ಯಕ್ರಮದಲ್ಲಿ ಮಾತನಾಡಿದ ಜೆಎಸ್​ಡಬ್ಲ್ಯೂ ಗ್ರೂಪ್​ ಮತ್ತು ಕೈಗಾರಿಕೋದ್ಯಮಿ ಸಜ್ಜನ್​ ಜಿಂದಾಲ್​, "ಸಲ್ಬೊನಿಯಲ್ಲಿ ಕಳೆದ 10 ವರ್ಷಗಳಲ್ಲಿ ಸಾಕಷ್ಟು ಅಭಿವೃದ್ಧಿ ಕೆಲಸಗಳಾಗಿವೆ. ಪಶ್ಚಿಮ ಬಂಗಾಳದಲ್ಲಿ ನಡೆಯುತ್ತಿರುವವರ ಇಂಥ ಬೆಳವಣಿಗೆಳ ಕುರಿತು ಖುಷಿ ಇದೆ. ಈ ಭೂಮಿ ರೈತರಿಗೆ ಸೇರಿದ್ದು, ಅವರು ಈ ಕೈಗಾರಿಕೆಗಳಿಂದ ಉತ್ತಮ ಪ್ರಯೋಜನ ಪಡೆಯಲಿದ್ದಾರೆ. ಸಲ್ಬೊನಿ ಪವರ್​​ ಸ್ಥಾವರದಲ್ಲಿ ಉನ್ನತ ಮಟ್ಟದ ತಂತ್ರಜ್ಞಾನ ಹೊಂದಿದ್ದು, ಮಾಲಿನ್ಯರಹಿತವಾಗಿದೆ. ಈ ಸ್ಥಾವರ ರಾಜ್ಯದ ವಿದ್ಯುತ್​ ಬೇಡಿಕೆಯನ್ನು ಪೂರೈಸಲಿದ್ದು, ವೇಗದ ಬೆಳವಣಿಗೆಗೆ ಕೊಡುಗೆ ನೀಡಲಿದೆ" ಎಂದರು.