ಚೀನಾ :  ವೈರಸ್​ ರೀತಿ ಮಾನವನ ಉಸಿರಾಟದ ಮೇಲೆ ಪರಿಣಾಮ ಬೀರುವ ಮತ್ತೊಂದು ಹೊಸ ವೈರಸ್ ಪತ್ತೆಯಾಗಿದ್ದು, ಇದು ಜನರಲ್ಲಿ ಆತಂಕ ಮೂಡಿಸಿದೆ. ಈ ಕುರಿತು ಚೀನಾದ ಬ್ಯಾಟ್​ ವುಮೆನ್​ ಎಂದೇ ಖ್ಯಾತಿಯಾಗಿರುವ ವೈರಾಲಾಜಿಸ್ಟ್​​ ಶಿ ಜೆಂಗಾಲಿ ಅಧ್ಯಯನ ನಡೆಸಿದ್ದಾರೆ. HKU5-CoV-2 ಎಂಬ ವೈರಸ್​ ಇದಾಗಿದ್ದು, ಇದು ಕೂಡ ಎಸಿಇ2 ಶ್ವಾಸಕೋಶದ ಪ್ರೋಟಿನ್​ ಮೂಲಕ ಮಾನವನ ಕೋಶ ಪ್ರವೇಶಿಸಲಿದೆ. ಈ ಕುರಿತು ಸೈಂಟಿಫಿಕ್​ ಜರ್ನಲ್​​ ​ ಸೆಲ್​ನಲ್ಲಿ ಪ್ರಕಟಿಸಲಾಗಿದೆ.

HKU5-CoV-2 ಚೀನಾದ ಬಾವಲಿಗಳಲ್ಲಿ ಪತ್ತೆಯಾಗಿದೆ. ಇದು ಮೆರ್ಬೆಕೊವೈರಸ್​ ಉಪಜಾತಿಗೆ ಸೇರಿದ್ದು, ಎಂಇಆರ್​ಎಸ್​ (ಮಿಡಲ್​​ ಈಸ್ಟ್​ ರೆಸ್ಪಿರೇಟರಿ ಸಿಂಡ್ರೋಮ್​) ವೈರಸ್​ ಆಗಿದೆ. ಈ ವೈರಸ್​ ಫುರಿನ್​ ಕ್ಲವೇಜ್​ ಸೈಟ್​ ಹೊಂದಿದ್ದು, ಇದು ಸಾರ್ಸ್​​​-ಕೋವ್​-2 ರೀತಿಯಲ್ಲಿ ಮಾನವನ ಜೀವಕೋಶಗಳಿಗೆ ಪ್ರವೇಶಿಸಲು ಅನುಮತಿ ನೀಡುತ್ತದೆ.

ಪ್ರಯೋಗಾಲಯದ ಪರೀಕ್ಷೆಯಲ್ಲಿ HKU5-CoV-2, ACE2 ಗ್ರಾಹಕಗಳೊಂದಿಗೆ ಮಾನವ ಜೀವಕೋಶಗಳಿಗೆ ಸೋಂಕು ತಗುಲಿತ್ತು. ಈ ವೈರಸ್ ಮನುಷ್ಯರಿಗೆ ಸೋಂಕು ತಗಲುವ ಸಾಮರ್ಥ್ಯವನ್ನು ಹೊಂದಿದ್ದರೂ, ಪ್ರಾಣಿಗಳಿಂದ ಜನರಿಗೆ ಹರಡುವ ಸಾಮರ್ಥ್ಯ ಅರ್ಥಮಾಡಿಕೊಳ್ಳಲು ಇನ್ನೂ ಹೆಚ್ಚಿನ ಸಂಶೋಧನೆ ಅಗತ್ಯವಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ಇದು ಸಾರ್ಕ್​-ಕೋವ್​​-2 ರೀತಿಯಲ್ಲಿಯೇ ಮಾನವ ಜೀವಕೋಶಕ್ಕೆ ಸೋಂಕು ಉಂಟು ಮಾಡುವುದಿಲ್ಲ ಎಂಬುದು ಸಂತಸದ ಸುದ್ದಿಯಾಗಿದೆ. ಸಾರ್ಸ್​-ಕೋವ್​-2 ಹೋಲಿಕೆ ಮಾಡಿದಾಗ HKU5-CoV-2 ಮಾನವನ ಎಸಿಇ2 ಶ್ವಾಸಕೋಶದ ಮೇಲೆ ಪರಿಣಾಮ ಬೀರುವ ಸಾಮರ್ಥ್ಯ ಕಡಿಮೆ ಇದೆ. ಇದು ಮಾನವರಲ್ಲಿ ಹರಡುವ ಅಪಾಯ ಕೂಡ ಸಣ್ಣ ಪ್ರಮಾಣದಲ್ಲಿದೆ. ಇದಕ್ಕೆ ಮೊನೊಕ್ಲೋನಲ್ ಪ್ರತಿಕಾಯಗಳು ಮತ್ತು ವೈರಸ್ಗು ರಿಯಾಗಿಸಲು ಸಹಾಯ ಮಾಡುವ ಆಂಟಿವೈರಲ್ ಔಷಧಗಳನ್ನು ಸಹ ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ.

ಮಿನ್ನೇಸೋಟ ವಿಶ್ವವಿದ್ಯಾನಿಲಯದ ಸಾಂಕ್ರಾಮಿಕ ರೋಗ ತಜ್ಞ ಡಾ. ಮೈಕೆಲ್ ಓಸ್ಟರ್ಹೋಮ್ ಹೇಳುವಂತೆ, ಕೋವಿಡ್​​ಗೆ ಪೂರ್ವಕ್ಕಿಂತ ಹೋಲಿಕೆ ಮಾಡಿದರೆ, ಜನರು ಸಾರ್ಸ್​ ರೀತಿಯ ವೈರಸ್​ ವಿರುದ್ಧ ಹೆಚ್ಚಿನ ಪ್ರತಿರಕ್ಷಣೆ ಪಡೆದಿದ್ದಾರೆ. ಈ ಹಿನ್ನೆಲೆಯಲ್ಲಿ ಇದು ಮತ್ತೊಂದು ಸಾಂಕ್ರಾಮಿಕ ಅಪಾಯ ಉಂಟು ಮಾಡುವ ಸಾಧ್ಯತೆ ಕಡಿಮೆ ಇದೆ.