ನವದೆಹಲಿ : ಜಾನುವಾರುಗಳಲ್ಲಿ ಕಂಡುಬರುವ ಲಂಪಿ ಸ್ಕಿನ್ ಡಿಸೀಸ್ (ಎಲ್‌ಎಸ್‌ಡಿ) ಸಂಬಂಧಿಸಿದಂತೆ ಭಾರತ್ ಬಯೋಟೆಕ್ ಗ್ರೂಪ್​ನ ಬಯೋವೆಟ್ ಕಂಪೆನಿಯು ಆವಿಷ್ಕಾರ ಮಾಡಿದ್ದ ದೇಶದ ಮೊದಲ ಲಸಿಕೆ ಬಯೋಲಂಪಿವ್ಯಾಕ್ಸಿನ್‌ಗೆ ಕೇಂದ್ರ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ (ಸಿಡಿಎಸ್‌ಸಿಒ) ಪರವಾನಗಿ ನೀಡಿದೆ.

ಲಸಿಕೆಯ ಗುಣಮಟ್ಟ, ಸುರಕ್ಷತೆ ಮತ್ತು ಪರಿಣಾಮಕಾರಿತ್ವವನ್ನು ICAR- NRCE ಮತ್ತು ಭಾರತೀಯ ಪಶುವೈದ್ಯಕೀಯ ಸಂಶೋಧನಾ ಸಂಸ್ಥೆ (IVRI)ಗಳಲ್ಲಿ ಪರೀಕ್ಷಿಸಲಾಗಿದೆ. ಇದು ಅತ್ಯುನ್ನತ ಜಾಗತಿಕ ಮಾನದಂಡಗಳನ್ನು ಪೂರೈಸುತ್ತಿದೆ ಎಂದು ಖಚಿತಪಡಿಸುತ್ತದೆ. ಈ ಸ್ಥಳೀಯ ಲೈವ್-ಅಟೆನ್ಯುವೇಟೆಡ್ ಮಾರ್ಕರ್ ಲಸಿಕೆಯನ್ನು ಹಿಸಾರ್‌ನ ಇಂಡಿಯನ್ ಕೌನ್ಸಿಲ್ ಆಫ್ ಅಗ್ರಿಕಲ್ಚರ್ ರಿಸರ್ಚ್- ನ್ಯಾಷನಲ್ ರಿಸರ್ಚ್ ಸೆಂಟರ್ ಆನ್ ಈಕ್ವಿನ್ಸ್ (ICAR-NRCE) ಹಾಗೂ ಭಾರತ್ ಬಯೋಟೆಕ್‌ನ ಬಯೋವೆಟ್‌ನ ಸಹಯೋಗದೊಂದಿಗೆ LSD ವೈರಸ್/ರಾಂಚಿ/2019 ಲಸಿಕೆ ಸ್ಟ್ರೈನ್ ಬಳಸಿ ಅಭಿವೃದ್ಧಿಪಡಿಸಲಾಗಿದೆ.

ಸಂಶೋಧನೆ, ಪರೀಕ್ಷೆ: ಈ ಲಸಿಕೆಯು NRCEಯ ವಿಜ್ಞಾನಿಗಳು ಮೂರು ವರ್ಷಗಳ ಕಾಲ ನಡೆಸಿದ ಸಮರ್ಪಿತ ಸಂಶೋಧನೆಯ ಫಲಿತಾಂಶವಾಗಿದೆ. ಡಾ.ಬಿ.ಎನ್.ತ್ರಿಪಾಠಿ (ಮಾಜಿ ಡಿಡಿಜಿ, ಪ್ರಾಣಿ ವಿಜ್ಞಾನ, ಐಸಿಎಆರ್, ಈಗ ಕುಲಪತಿ, ಎಸ್‌ಕೆಯುಎಎಸ್‌ಟಿ, ಜಮ್ಮು) ನೇತೃತ್ವದಲ್ಲಿ ಡಾ.ನವೀನ್ ಕುಮಾರ್ (ಈಗ ನಿರ್ದೇಶಕರು, ಎನ್‌ಐವಿ- ಪುಣೆ) ನೇತೃತ್ವದಲ್ಲಿ ಈ ಲಸಿಕೆಯನ್ನು ತಯಾರಿಸಲಾಗಿದೆ. ಪ್ರಾಣಿಗಳ ಆರೋಗ್ಯಕ್ಕಾಗಿ, ವಿಶ್ವ ದರ್ಜೆಯ ಲಸಿಕೆಯ ಅಭಿವೃದ್ಧಿಯಲ್ಲಿ ಐಸಿಎಆರ್ ಹಾಗೂ ವಿಜ್ಞಾನಿಗಳು ಗಮನಾರ್ಹ ಕೊಡುಗೆಗಳನ್ನು ನೀಡಿದ್ದಾರೆ, ನಿರ್ಣಾಯಕ ಪಾತ್ರ ವಹಿಸಿದ್ದಾರೆ.

ಶೀಘ್ರದಲ್ಲೇ ಪ್ರಾರಂಭಿಸಲಿರುವ ಈ ಲಸಿಕೆಯು ಹೆಚ್ಚಿನ ಸುರಕ್ಷತೆ ಮತ್ತು ಪರಿಣಾಮಕಾರಿತ್ವದ ಪ್ರೊಫೈಲ್ ಅನ್ನು ಹೊಂದಿದೆ. DIVA ಮಾರ್ಕ್​ನ ಹೊಂದಿದ್ದು, ಸ್ವಾಭಾವಿಕವಾಗಿ ಸೋಂಕಿತ ಹಾಗೂ ಲಸಿಕೆ ಹಾಕಿದ ಪ್ರಾಣಿಗಳ ನಡುವೆ ಸೆರೋಲಾಜಿಕಲ್ ವ್ಯತ್ಯಾಸವನ್ನು ಸಕ್ರಿಯಗೊಳಿಸುತ್ತದೆ. ಲಸಿಕೆಯ ಗುಣಮಟ್ಟ, ಸುರಕ್ಷತೆ ಮತ್ತು ಪರಿಣಾಮಕಾರಿತ್ವವನ್ನು ICAR-NRCE ಮತ್ತು ಭಾರತೀಯ ಪಶುವೈದ್ಯಕೀಯ ಸಂಶೋಧನಾ ಸಂಸ್ಥೆ (IVRI)ಯಲ್ಲಿ ವ್ಯಾಪಕವಾಗಿ ಪರೀಕ್ಷಿಸಲಾಗಿದೆ. ಇದು ಅತ್ಯುನ್ನತ ಜಾಗತಿಕ ಮಾನದಂಡಗಳನ್ನು ಪೂರೈಸುತ್ತದೆ ಎಂದು ಖಚಿತಪಡಿಸುತ್ತದೆ.

ಬಯೋವೆಟ್‌ನ ಸಂಸ್ಥಾಪಕ ಡಾ.ಕೃಷ್ಣ ಎಲಾ ಪ್ರತಿಕ್ರಿಯಿಸಿ, "ಈ DIVA ಮಾರ್ಕರ್ ಲಸಿಕೆಯು ಪಶುವೈದ್ಯಕೀಯ ಔಷಧವನ್ನು ರೋಗದ ಕಣ್ಗಾವಲು ಮತ್ತು ನಿರ್ಮೂಲನ ಕಾರ್ಯಕ್ರಮಗಳಿಗೆ ಒಂದು ಪ್ರಮುಖ ಬದಲಾವಣೆಯಾಗಿದೆ. ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರು ಮತ್ತು ಕ್ಷೇತ್ರ ಕಾರ್ಯಕರ್ತರು ಈಗ ಪ್ರಾಣಿಯು ಬಯೋಲಂಪಿವ್ಯಾಕ್ಸಿನ್ ಅನ್ನು ಸ್ವೀಕರಿಸಿದೆಯೇ ಅಥವಾ ಹಿಂದೆ LSD ಸೋಂಕಿಗೆ ಒಳಗಾಗಿದೆಯೇ ಎಂಬುದನ್ನು ಕಂಡುಹಿಡಿಯಬಹುದು. ಈ ಲಸಿಕೆಗಾಗಿ CDSCO ಪರವಾನಗಿಯು ಭಾರತದ ಪಶುವೈದ್ಯಕೀಯ ಆರೋಗ್ಯ ರಕ್ಷಣೆಯಲ್ಲಿ (ಆತ್ಮನಿರ್ಭರ್ ಭಾರತ್) ಸ್ವಾವಲಂಬನೆಯತ್ತ ಪ್ರಮುಖ ಹೆಜ್ಜೆಯಾಗಿದೆ. ಆಮದು ಮಾಡಿಕೊಂಡ ಲಸಿಕೆಗಳ ಮೇಲೆ ಅವಲಂಬನೆಯನ್ನು ತಪ್ಪಿಸುತ್ತದೆ. ಭಾರತವು ರೋಗಮುಕ್ತ ಜಾನುವಾರುಗಳ ಜನಸಂಖ್ಯೆಯತ್ತ ಸಾಗುತ್ತಿದೆ. ಈ ಲಸಿಕೆಯು ಹೈನುಗಾರಿಕೆ ಉದ್ಯಮದ ಸುಸ್ಥಿರತೆಯನ್ನು ಖಾತ್ರಿಪಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ" ಎಂದು ಹೇಳಿದರು.