ನವದೆಹಲಿ : ಭಾರತದ ಶಸ್ತ್ರಾಸ್ತ್ರ ರಫ್ತು ದಾಖಲೆಯ ಪ್ರಮಾಣದಲ್ಲಿ ಹೆಚ್ಚಳ ಮಾಡುವ ನಿಟ್ಟಿನಲ್ಲಿ ಸಿದ್ಧತೆ ನಡೆದಿದೆ. ಭಾನುವಾರ, ನಾಗ್ಪುರದ ಪ್ಲ್ಯಾಂಟ್‌ನಿಂದ ಪಿನಾಕಾ ರಾಕೆಟ್ ವ್ಯವಸ್ಥೆಗೆ ರಫ್ತು ಆದೇಶ ರವಾನೆಯಾಗಿದೆ. ಪಿನಾಕಾ ಭಾರತದ ಬಹು-ಬ್ಯಾರೆಲ್ ರಾಕೆಟ್ ವ್ಯವಸ್ಥೆ. 10 ವರ್ಷಗಳ ಹಿಂದೆ, ಭಾರತದ ಶಸ್ತ್ರಾಸ್ತ್ರ ರಫ್ತು 1000 ಸಾವಿರ ಕೋಟಿ ರೂ.ಗಳಿಗಿಂತ ಕಡಿಮೆಯಿತ್ತು. ಇಂದು, ಅದೇ ರಫ್ತು 24 ಸಾವಿರ ಕೋಟಿ ರೂ.ಗಳನ್ನು ತಲುಪಿದೆ. ಸೆಪ್ಟೆಂಬರ್ 2022 ರಲ್ಲಿ, ಅರ್ಮೇನಿಯಾ ಭಾರತದೊಂದಿಗೆ ನಾಲ್ಕು ಬ್ಯಾಟರಿಗಳ ಪಿನಾಕಾ ಮಲ್ಟಿ-ಬ್ಯಾರೆಲ್ ರಾಕೆಟ್ ಲಾಂಚರ್‌ಗಳಿಗಾಗಿ 2,000 ಕೋಟಿ ರೂ.ಗಳ ಒಪ್ಪಂದಕ್ಕೆ ಸಹಿ ಹಾಕಿತು. ಇದರಲ್ಲಿ ಟ್ಯಾಂಕ್ ವಿರೋಧಿ ರಾಕೆಟ್‌ಗಳು, ಮದ್ದುಗುಂಡುಗಳು ಮತ್ತು ಇತರ ಉಪಕರಣಗಳು ಸೇರಿವೆ. ಅರ್ಮೇನಿಯಾ ಅದನ್ನು ಖರೀದಿಸಿದರೆ, ಫ್ರಾನ್ಸ್ ಕೂಡ ಪಿನಾಕಾದಲ್ಲಿ ಆಸಕ್ತಿ ತೋರಿಸಿದೆ. ಅರ್ಮೇನಿಯಾ ದೇಶಕ್ಕೆ ಭಾರತ ಪಿನಾಕಾ ರಾಕೆಟ್‌ ಲಾಂಚರ್‌ ನೀಡಲು ಕಾರಣವೂ ಇದೆ. ಆಪರೇಷನ್‌ ಸಿಂದೂರ್‌ ಸಮಯದಲ್ಲಿ ಅರ್ಮೇನಿಯಾದ ನೆರೆಯ ದೇಶ ಅಜರ್‌ಬೈಜಾನ್‌, ಪಾಕಿಸ್ತಾನಕ್ಕೆ ಬೆಂಬಲ ನೀಡಿತ್ತು. ಇದೇ ಅಜರ್‌ಬೈಜಾನ್‌ ದೇಶ ಅರ್ಮೇನಿಯಾ ಜೊತೆ ಗಡಿ ವಿವಾದ ಹೊಂದಿದೆ. ಅಜರ್‌ಬೈಜಾನ್‌ನ ನಿದ್ದೆಗೆಡಿಸುವ ಸಲುವಾಗಿ ಅರ್ಮೆನಿಯಾ ಸೇನೆಯನ್ನು ಬಲಪಡಿಸುವ ಅಗತ್ಯವಿದೆ. ಅದಕ್ಕಾಗಿಯೇ ಭಾರತ, ಅರ್ಮೇನಿಯಾಗೆ ರಾಕೆಟ್‌ ಲಾಂಚರ್‌ಗಳನ್ನು ರಫ್ತು ಮಾಡಿದೆ.