ಹೈದೆರಾಬಾದ್ : ಶುಭಾಂಶು ಶುಕ್ಲಾ ಅವರನ್ನು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಕಳುಹಿಸಿ ಸುರಕ್ಷಿತವಾಗಿ ಮರಳಿ ಕರೆತರುವುದು ಗಗನಯಾನ ಕಾರ್ಯಾಚರಣೆಗೆ ಬಹಳ ಉಪಯುಕ್ತ ಮಾಹಿತಿ ಒದಗಿಸಿದೆ ಎಂದು ಇಸ್ರೋ ಅಧ್ಯಕ್ಷರು ಹೇಳಿದರು. ಈ ವರ್ಷವನ್ನು ಅವರು ಗಗನಯಾನ ವರ್ಷವೆಂದು ಘೋಷಿಸಿದರು. ನಾಸಾ ಮತ್ತು ಇಸ್ರೋ ಆಶ್ರಯದಲ್ಲಿ 12 ರಾಕೆಟ್‌ಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ ಮತ್ತು ಪ್ರಧಾನಿ ನರೇಂದ್ರ ಮೋದಿ ಇದಕ್ಕಾಗಿ ಎಲ್ಲ ರೀತಿಯ ಪ್ರೋತ್ಸಾಹ ನೀಡುತ್ತಿದ್ದಾರೆ ಎಂದು ನಾರಾಯಣನ್ ಬಹಿರಂಗಪಡಿಸಿದರು. ರಾಕೆಟ್‌ನಲ್ಲಿ ಪ್ರಯಾಣಿಸುವಾಗ ತುರ್ತು ಪರಿಸ್ಥಿತಿಗಳು ಎದುರಾದರೆ ಸುರಕ್ಷಿತವಾಗಿ ಹೊರಬರುವುದು ಹೇಗೆ ಎಂಬುದರ ಕುರಿತು ಅವರು ಪ್ರಯೋಗ ನಡೆಸುತ್ತಿದ್ದಾರೆ ಮತ್ತು ಇದಕ್ಕಾಗಿ ಶುಕ್ಲಾ ಮತ್ತು ಪ್ರಶಾಂತ್ ನಾಯರ್ ಅವರಿಗೆ ಹತ್ತು ತಿಂಗಳ ಕಾಲ ತರಬೇತಿ ನೀಡಲಾಗುತ್ತಿದೆ ಎಂದು ಮಾಹಿತಿ ನೀಡಿದ್ದರು.

‘2035ರ ಹೊತ್ತಿಗೆ ನಾವು ನಮ್ಮದೇ ಆದ ಬಾಹ್ಯಾಕಾಶ ನಿಲ್ದಾಣವನ್ನು ನಿರ್ಮಿಸಲಿದ್ದೇವೆ ಮತ್ತು 2040 ರ ವೇಳೆಗೆ ನಾವು ನಮ್ಮದೇ ಆದ ಗಗನಯಾನ ಮಿಷನ್​ನಲ್ಲಿ ನಮ್ಮ ಸಹೋದರ ಅಥವಾ ಸಹೋದರಿಯನ್ನು ಚಂದ್ರನಿಗೆ ಕಳುಹಿಸಲಿದ್ದೇವೆ’ ಎಂದು ಹೇಳಿದರು. ಕೇವಲ 35 ಕಿಲೋಗ್ರಾಂಗಳಷ್ಟು ಭಾರ ಹೊತ್ತೊಯ್ಯಬಲ್ಲ 17 ಮೀಟರ್ ರಾಕೆಟ್ ಉಡಾವಣೆಯೊಂದಿಗೆ ಭಾರತದ ಬಾಹ್ಯಾಕಾಶ ಕಾರ್ಯಕ್ರಮವು ಹೇಗೆ ಸಾಧಾರಣವಾಗಿ ಪ್ರಾರಂಭವಾಯಿತು ಎಂಬುದನ್ನು ಡಾ. ನಾರಾಯಣನ್ ನೆನಪಿಸಿಕೊಂಡರು. ಇಂದು ದೇಶವು 40 ಅಂತಸ್ತಿನ ಕಟ್ಟಡಗಳಷ್ಟು ಎತ್ತರದ ರಾಕೆಟ್‌ಗಳನ್ನು ನಿರ್ಮಿಸುತ್ತಿದೆ. ಇವು 74,000 ಕಿಲೋಗ್ರಾಂಗಳಷ್ಟು ಭಾರ ಎತ್ತುವ ಸಾಮರ್ಥ್ಯವನ್ನು ಹೊಂದಿವೆ ಎಂದು ಅವರು ಹೇಳಿದರು.