ಪ್ಯಾರಿಸ್ : ಫ್ರೆಂಚ್ ಓಪನ್‌ ಇತಿಹಾಸದಲ್ಲಿ ಹೊಸ ಇತಿಹಾಸ ಸೃಷ್ಟಿಯಾಗಿದೆ. ಮಹಿಳಾ ಸಿಂಗಲ್ಸ್ ಫೈನಲ್​ನಲ್ಲಿ ರಷ್ಯಾದ ಯುವ ಸೆನ್ಸೇಷನ್ ಮಿರ್ರಾ ಆಂಡ್ರೀವಾ ತಮ್ಮ ಚೊಚ್ಚಲ ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ. ಎಂಟನೇ ಶ್ರೇಯಾಂಕದ ಆಂಡ್ರೀವಾ ಶನಿವಾರ ನಡೆದ ಫೈನಲ್‌ನಲ್ಲಿ 6-3, 6-2 ಅಂತರದೊಂದಿಗೆ 114ನೇ ಶ್ರೇಯಾಂಕದ ಆಟಗಾರ್ತಿ ಮಜಾ ಚ್ವಾಲಿನ್ಸ್ಕಾರನ್ನು ಮಣಿಸಿದ್ದಾರೆ. ಈ ಗೆಲುವಿನೊಂದಿಗೆ, ಮೋನಿಕಾ ಸೆಲೆಸ್ (1992) ನಂತರ ಫ್ರೆಂಚ್ ಓಪನ್ ಗೆದ್ದ ಅತ್ಯಂತ ಕಿರಿಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಆಂಡ್ರೀವಾ ಪಾತ್ರರಾದರು. ಪ್ಯಾರಿಸ್‌ ಓಪರ್​ನಲ್ಲಿ ಹದಿಹರೆಯದ ಆಟಗಾರ್ತಿಯೊಬ್ಬರು ಇಂತಹ ಸಾಧನೆ ಮಾಡಿ 34 ವರ್ಷಗಳಾಗಿವೆ. ಈ ಸಾಧನೆಯು ಆಂಡ್ರೀವಾ ಅವರನ್ನು ಮಹಿಳಾ ಟೆನಿಸ್‌ನ ಹೊಸ ಸೂಪರ್‌ಸ್ಟಾರ್ ಆಗಿ ಮಾಡಿದೆ.

ಪಂದ್ಯ ಆರಂಭದಲ್ಲಿ ಮೊದಲ ಕೆಲವು ಸುತ್ತುಗಳಲ್ಲಿ ಪಂದ್ಯವು ಸಮನಾಗಿತ್ತು, ಮಜಾ ಚ್ವಾಲಿನ್ಸ್ಕಾ 3-2 ಮುನ್ನಡೆ ಸಾಧಿಸಿದರು. ಆದರೆ ಅದರ ನಂತರ, ಮೀರಾ ಆಂಡ್ರೀವಾ ಬಲಿಷ್ಠವಾಗಿ ಕಮ್​ಬ್ಯಾಕ್​ ಮಾಡಿ ಪ್ರಾಬಲ್ಯ ಸಾಧಿಸಿದರು. ರಷ್ಯಾದ ಆಟಗಾರ್ತಿ, ತನ್ನ ಆಕ್ರಮಣಕಾರಿ ಆಟ ಮತ್ತು ನಿಖರವಾದ ಹೊಡೆತಗಳ ಮೂಲಕ, ಸತತ ಒಂಬತ್ತು ಪಂದ್ಯಗಳನ್ನು ಗೆದ್ದರು. ಮಜಾ ಚ್ವಾಲಿನ್ಸ್ಕಾ ಆಂಡ್ರೀವಾ ಅವರ ದಾಳಿಗೆ ಒಳಗಾಗಿ ಕಮ್​ಬ್ಯಾಕ್​ ಮಾಡಲು ಸಾಧ್ಯವಾಗಲೇ ಇಲ್ಲ. ಈ ಪಂದ್ಯದಲ್ಲಿ ಮೀರಾ ಆಂಡ್ರೀವಾ 25 ಬಾರಿ ಎದುರಾಳಿ ವಿರುದ್ಧ ಗೆದ್ದರೇ ಚ್ವಾಲಿನ್ಸ್ಕಾ 10 ಗೆಲುವುಗಳನ್ನು ಮಾತ್ರ ಸಾಧಿಸಲು ಸಾಧ್ಯವಾಯ್ತು. ಆಂಡ್ರೀವಾ ಮ್ಯಾಚ್ ಪಾಯಿಂಟ್‌ನಲ್ಲಿ ಅದ್ಭುತ ಬ್ಯಾಕ್‌ಹ್ಯಾಂಡ್ ಶಾಟ್​ ಮೂಲಕ ಸೆಟ್​ ಗೆದ್ದು ಮಂಡಿಯೂರಿ ಸಂಭ್ರಮಿಸಿದರು. ಈ ಕ್ಷಣ ಅವರ ವೃತ್ತಿಜೀವನದ ಅತ್ಯಂತ ಸ್ಮರಣೀಯ ಕ್ಷಣಗಳಲ್ಲಿ ಒಂದಾಗಿತ್ತು.