ನವದೆಹಲಿ : ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ (BCB), ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (PCB)ಯನ್ನು ತಮ್ಮ ಬಹಿಷ್ಕಾರವನ್ನ ಕೊನೆಗೊಳಿಸಿ ಫೆಬ್ರವರಿ 15ರಂದು ಭಾರತದ ವಿರುದ್ಧ ಕಣಕ್ಕಿಳಿಯುವಂತೆ ವಿನಂತಿಸಿದೆ ಎಂದು ವರದಿಯಾಗಿದೆ. PCB ಅಧ್ಯಕ್ಷ ಮೊಹ್ಸಿನ್ ನಖ್ವಿ ಈಗ ಪಾಕಿಸ್ತಾನ ಪ್ರಧಾನಿ ಶೆಹಬಾಜ್ ಷರೀಫ್ ಅವರನ್ನು ಭೇಟಿ ಮಾಡಿ ಬಹಿಷ್ಕಾರವನ್ನ ಹಿಂತೆಗೆದುಕೊಳ್ಳುವಂತೆ ವಿನಂತಿಸಲಿದ್ದಾರೆ ಎಂದು ವರದಿಯಾಗಿದೆ. ಪಾಕಿಸ್ತಾನ ಸರ್ಕಾರದ ಸೂಚನೆಯ ಮೇರೆಗೆ ಭಾರತದೊಂದಿಗಿನ ಪಂದ್ಯದಿಂದ ಹಿಂದೆ ಸರಿಯಲು PCB ನಿರ್ಧರಿಸಿತ್ತು. ಅಂತಿಮ ನಿರ್ಧಾರ ಪಾಕಿಸ್ತಾನದ ಪ್ರಧಾನಿಯ ಕೈಯಲ್ಲಿದೆ. "ಬಿಕ್ಕಟ್ಟಿನ ಕುರಿತು ಬಾಂಗ್ಲಾದೇಶ, ಶ್ರೀಲಂಕಾ ಮತ್ತು ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಗಳು ಮತ್ತು ICC ಯೊಂದಿಗೆ ತಾವು ಹೊಂದಿರುವ ಸಂವಹನಗಳ ಕುರಿತು ನಖ್ವಿ ಪ್ರಧಾನಿಗೆ ವಿವರಿಸುತ್ತಾರೆ" ಎಂದು ಮೂಲಗಳು ಸುದ್ದಿಸಂಸ‍್ಥೆಗೆ ತಿಳಿಸಿವೆ. ಬಾಂಗ್ಲಾದೇಶ 2026ರ T20 WCಯ ಭಾಗವಾಗಿಲ್ಲ. ತಮ್ಮ ಪಂದ್ಯಗಳನ್ನು ಶ್ರೀಲಂಕಾಕ್ಕೆ ಸ್ಥಳಾಂತರಿಸುವ ವಿನಂತಿಯನ್ನು ICC ನಿರಾಕರಿಸಿದ ನಂತರ ಅವರು ಪಂದ್ಯಾವಳಿಯಿಂದ ಹಿಂದೆ ಸರಿದರು.