ಮುಂಬೈ : ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸೋಲನುಭವಿಸಿದೆ.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದಿದ್ದ ಈ ಪಂದ್ಯದಲ್ಲಿ ಆರ್‌ಸಿಬಿ ನೀಡಿದ್ದ 163 ರನ್​ಗಳ ಸಾಮಾನ್ಯ ಗುರಿಯನ್ನು ಬೆನ್ನಟ್ಟಿದ ದೆಹಲಿ ತಂಡ 17.5 ಓವರ್‌ಗಳಲ್ಲಿ 4 ವಿಕೆಟ್‌ಗಳ ನಷ್ಟಕ್ಕೆ ಗುರಿಯನ್ನು ತಲುಪಿತು. ಇದರೊಂದಿಗೆ ಸತತ ನಾಲ್ಕನೇ ಪಂದ್ಯವನ್ನು ಗೆದ್ದುಕೊಂಡಿತು.

ಕನ್ನಡಿಗ ಕೆ.ಎಲ್.ರಾಹುಲ್ (93*) ಅದ್ಭುತ ಪ್ರದರ್ಶನ ನೀಡಿದರು. ಸ್ಟಬ್ಸ್ (38*) ಕೂಡ ಮಿಂಚಿದರು. ಬೆಂಗಳೂರು ಪರ ಭುವನೇಶ್ವರ್ ಕುಮಾರ್ 2 ವಿಕೆಟ್ ಪಡೆದರೆ, ಯಶ್ ದಯಾಳ್ ಮತ್ತು ಸುಯಾಶ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದರು.

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆರ್​ಸಿಬಿ ಆರಂಭಿಕ 3.4 ಓವರ್​ನಲ್ಲೆ ಸ್ಫೋಟಕ ಬ್ಯಾಟಿಂಗ್​ ಮೂಲಕ 61 ರನ್​ ಭಾರಿಸಿತು. ಆದರೆ, ಪವರ್ ಪ್ಲೇ ನಂತರ ಬೆಂಗಳೂರು ಸತತವಾಗಿ ವಿಕೆಟ್‌ಗಳನ್ನು ಕಳೆದುಕೊಂಡಿತು ಸಾಮಾನ್ಯ ಮೊತ್ತಕೆ ಕುಸಿಯಿತು.

ಆರಂಭಿಕ ಬ್ಯಾಟರ್​ ಫಿಲಿಪ್ ಸಾಲ್ಟ್ (37) ವಿರಾಟ್ ಕೊಹ್ಲಿ (22) ಜೊತೆಗೂಡಿ ಆಕ್ರಮಣಕಾರಿಯಾಗಿ ಬ್ಯಾಟಿಂಗ್​ ಮಾಡಿದರು. ರಜತ್ ಪಾಟಿದಾರ್ (25) ಮತ್ತು ಕೃನಾಲ್ ಪಾಂಡ್ಯ (18) ರನ್ ಗಳಿಸಿದರು.

ದೇವದತ್ ಪಡಿಕ್ಕಲ್ (1), ಲಿವಿಂಗ್‌ಸ್ಟನ್ (4) ಮತ್ತು ಜಿತೇಶ್ ಶರ್ಮಾ (3) ಒಂದು ಅಂಕಿಯ ಸ್ಕೋರ್‌ಗೆ ಸೀಮಿತರಾದರು. ಟಿಮ್ ಡೇವಿಡ್ (37*) ಕೊನೆಯಲ್ಲಿ ಮಿಂಚಿದ್ದರಿಂದ ಆರ್‌ಸಿಬಿ ತಂಡದ ಸ್ಕೋರ್ 150ರ ಗಡಿ ದಾಟಿತು.

ದೆಹಲಿ ಬೌಲರ್‌ಗಳಲ್ಲಿ ವಿಪ್ರಜ್ ನಿಗಮ್ 2 ವಿಕೆಟ್, ಕುಲದೀಪ್ ಯಾದವ್ 2, ಮುಖೇಶ್ ಕುಮಾರ್ ಮತ್ತು ಮೋಹಿತ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದರು.