ಜಾಹೀರಾತು
ಮುಂಬೈ : ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ 25ರನ್ಗಳಿಂದ ಸೋಲನುಭವಿಸಿದೆ. ಚೆನ್ನೈನ ತವರು ಮೈದಾನ ಚೆಪಾಕ್‌ನಲ್ಲಿ ನಡೆದ ಈ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಚೆನ್ನೈ ವಿರುದ್ಧ 25 ರನ್ಗಳಿಂದ ಗೆಲುವು ಸಾಧಿಸಿದೆ. ಡೆಲ್ಲಿ ನೀಡಿದ್ದ 184 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಸಿಎಸ್ಕೆ 158 ರನ್ಗಳಿಗೆ ಸೀಮಿತವಾಯಿತು. ತಂಡದ ಪರ ವಿಜಯ್ ಶಂಕರ್ (69) ಏಕಾಂಗಿ ಹೋರಾಟ ಮಾಡಿದರು ಗೆಲುವು ದಕ್ಕಲಿಲ್ಲ.
ಆರಂಭಿಕರಾಗಿ ಬ್ಯಾಟಿಂಗ್ಗೆ ಬಂದ ರಚಿನ್ ರವೀಂದ್ರ (3), ಡೆವೊನ್ ಕಾನ್ವೆ (13), ರುತುರಾಜ್ ಗಾಯಕ್ವಾಡ್ (5), ಶಿವಂ ದುಬೆ (18) ಮತ್ತು ರವೀಂದ್ರ ಜಡೇಜಾ (2)ರನ್ ಗಳಿಸಿದರು. ಎಂ.ಎಸ್. ಧೋನಿ (30*) ಅಜೇಯರಾಗಿ ಉಳಿದರು.
ದೆಹಲಿ ಬೌಲರ್‌ಗಳಲ್ಲಿ ವಿಪ್ರಾಜ್ ನಿಗಮ್ 2 ವಿಕೆಟ್ ಪಡೆದರೆ, ಮಿಚೆಲ್ ಸ್ಟಾರ್ಕ್, ಮುಖೇಶ್ ಕುಮಾರ್ ಮತ್ತು ಕುಲದೀಪ್ ಯಾದವ್ ತಲಾ ಒಂದು ವಿಕೆಟ್ ಪಡೆದರು. ಇದರೊಂದಿಗೆ ಡೆಲ್ಲಿ ತಂಡ ಈ ಋತುವಿನಲ್ಲಿ ಸತತ ಮೂರನೇ ಗೆಲುವು ದಾಖಲಿಸಿದರೆ ಆದರೆ ಚೆನ್ನೈ ತಂಡ ಹ್ಯಾಟ್ರಿಕ್ ಸೋಲನ್ನು ಕಂಡಿದೆ.
ಇದಕ್ಕೂ ಮುನ್ನ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಡೆಲ್ಲಿ ತಂಡ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 183 ರನ್ ಗಳಿಸಿತು. ಕೆ.ಎಲ್. ರಾಹುಲ್ (77) ಸ್ಫೋಟಕ ಬ್ಯಾಟಿಂಗ್ ಮೂಲಕ ಅರ್ಧಶತಕ ಸಿಡಿಸಿದರೆ.
ಅಭಿಷೇಕ್ ಪೊರೆಲ್ (33) ಕೂಡ ಮಿಂಚಿದರು. ಉಳಿದಂತೆ ಅಕ್ಷರ್ ಪಟೇಲ್ (21) ಮತ್ತು ಸಮೀರ್ ರಿಜ್ವಿ (20), ಟ್ರಿಸ್ಟಾನ್ ಸ್ಟಬ್ಸ್ (22*) ರನ್ ಕೊಡಿಗೆ ನೀಡಿದರು. ಸಿಎಸ್ಕೆ ಪರ ಖಲೀಲ್ ಅಹ್ಮದ್ 2 ವಿಕೆಟ್ ಪಡೆದರೆ, ರವೀಂದ್ರ ಜಡೇಜಾ, ನೂರ್ ಅಹ್ಮದ್ ಮತ್ತು ಮತಿಶಾ ಪತಿರಾನ ತಲಾ ಒಂದು ವಿಕೆಟ್ ಪಡೆದರು.
ಆರಂಭಿಕರಾಗಿ ಬ್ಯಾಟಿಂಗ್ಗೆ ಬಂದ ಕೆಎಲ್ ರಾಹುಲ್ ಚೆನ್ನೈ ಬೌಲರ್ಗಳನ್ನು ಮನ ಬಂದಂತೆ ದಂಡಿಸಿದರು. ಆರಂಭದಿಂದಲ್ಲೂ ಬ್ಯಾಟ್ ಬೀಸಿದ ರಾಹುಲ್ 51 ಎಸೆತಗಳಲ್ಲಿ 6 ಬೌಂಡರಿ 3 ಸಿಕ್ಸರ್ ಸಹಾಯದಿಂದ 77 ರನ್ ಚಚ್ಚಿದರು. ಇದರಿಂದಾಗಿ ಡೆಲ್ಲಿ ತಂಡ ಸ್ಫರ್ಧಾತ್ಮಕ ಸ್ಕೋರ್ ಕಲೆಹಾಕಿತು.
