ಪುಣೆ : ಪುಣೆಯಲ್ಲಿ ನಡೆಯುತ್ತಿರುವ 2ನೇ ಟೆಸ್ಟ್​ನಲ್ಲಿ ಕಿವೀಸ್​ ಪಡೆ ಭಾರತಕ್ಕೆ 359 ರನ್​ಗಳ ಗುರಿಯನ್ನು ನೀಡಿದ್ದು, 103 ರನ್​ಗಳ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್​ ಆರಂಭಿಸಿದ್ದ ನ್ಯೂಜಿಲೆಂಡ್​ ಮೂರನೇ ದಿನದಾಟ ಅಂತ್ಯಕ್ಕೆ 5 ವಿಕೆಟ್​ ಕಳೆದುಕೊಂಡು 301 ರನ್​ಗಳ ಮುನ್ನಡೆ ಪಡೆದು ಬೃಹತ್​ ಮೊತ್ತದತ್ತ ದಾಪುಗಾಲು ಹಾಕಿದೆ. ಆದರೆ, ನಾಲ್ಕನೇ ದಿನದಾಟವಾ ಇಂದು ಕಿವೀಸ್​ ಬ್ಯಾಟರ್​ಗಳಿಗೆ ಭಾರತೀಯ ಬೌಲರ್​ಗಳು ಬ್ರೇಕ್​ ಹಾಕಿದರು.

 ಅಂದುಕೊಂಡಂತೆ ಭಾರತ ಈ ಮೊತ್ತವನ್ನು  ಮಾಡಿದರೆ ಟೀಂ ಇಂಡಿಯಾದ ಟೆಸ್ಟ್​ ಇತಿಹಾಸದಲ್ಲಿ ಎರಡನೇ ಅತ್ಯಧಿಕ ನಾಲ್ಕನೇ ಇನ್ನಿಂಗ್ಸ್ ಚೇಸ್ ಆಗಲಿದೆ. ಜತೆಗೆ ಕಿವೀಸ್​ ವಿರುದ್ಧ 4ನೇ ಇನ್ನಿಂಗ್ಸ್​ನಲ್ಲಿ ದೊಡ್ಡ ಮೊತ್ತದ ಸ್ಕೋರ್​ ಚೇಸ್​ ಮಾಡಿದ ಮೊದಲ ತಂಡವಾಗಿ ದಾಖಲೆ ಬರೆಯಲಿದೆ.

1969ರಲ್ಲಿ ಆಕ್ಲೆಂಡ್‌ನಲ್ಲಿ ನಡೆದ ಟೆಸ್ಟ್​ ಪಂದ್ಯದಲ್ಲಿ ಕಿವೀಸ್​ ನೀಡಿದ್ದ 345 ಗುರಿಯನ್ನು ನಾಲ್ಕನೇ ಇನ್ನಿಂಗ್ಸ್‌ನಲ್ಲಿ ವೆಸ್ಟ್​ ಇಂಡೀಸ್​ ಚೇಸ್​ ಮಾಡಿ ಗೆಲುವು ಸಾಧಿಸಿತ್ತು. ಇದರೊಂದಿಗೆ ಕಿವೀಸ್​ ವಿರುದ್ಧ ನಾಲ್ಕನೇ ಇನ್ನಿಂಗ್ಸ್​ನಲ್ಲಿ 300+ ಗುರಿಯನ್ನು ತಲುಪಿದ ಮೊದಲ ತಂಡ ಎಂಬ ದಾಖಲೆ ಬರೆಯಿತು.