ನ್ಯೂಯೋರ್ಕ್ : ಯುಎಸ್ ಓಪನ್ ಟೆನಿಸ್ ಪಂದ್ಯಾವಳಿಯ ಪುರುಷರ ಡಬಲ್ಸ್ ವಿಭಾಗದಲ್ಲಿ ಕ್ರಿಸ್ಟಿಯನ್ ಹ್ಯಾರಿಸನ್ ಮತ್ತು ನೀಲ್ ಸ್ಕುಪ್ಸ್ಕಿ ಜೋಡಿಯು ಭರ್ಜರಿ ಜಯ ಸಾಧಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಫೈನಲ್ ಪಂದ್ಯದಲ್ಲಿ ಅಮೆರಿಕದ ಕ್ರಿಸ್ಟಿಯನ್ ಹ್ಯಾರಿಸನ್ ಹಾಗೂ ಬ್ರಿಟನ್ನ ನೀಲ್ ಸ್ಕುಪ್ಸ್ಕಿ ಜೋಡಿಯು ಜರ್ಮನಿಯ ಕೆವಿನ್ ಕ್ರಾವೀಟ್ಜ್ ಮತ್ತು ಟಿಮ್ ಪುಯೆಟ್ಜ್ ಅವರ ಜೋಡಿಯನ್ನು 6-4, 7-6 (8/6) ಎಂಬ ನೇರ ಸೆಟ್ಗಳಿಂದ ಸೋಲಿಸಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತು.
ಇದು ಈ ಜೋಡಿಯ ವೃತ್ತಿಜೀವನದ ಎರಡನೇ ಗ್ರಾನ್ ಸ್ಲ್ಯಾಮ್ ಪ್ರಶಸ್ತಿಯಾಗಿದೆ. ಇದಕ್ಕೂ ಮೊದಲು, ಈ ಯಶಸ್ವಿ ಜೋಡಿಯು ಇದೇ ವರ್ಷ ನಡೆದ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಪಂದ್ಯಾವಳಿಯ ಪುರುಷರ ಡಬಲ್ಸ್ ವಿಭಾಗದಲ್ಲೂ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ವಿಶಿಷ್ಟ ಗೆಲುವಿನೊಂದಿಗೆ, ಈ ಶತಮಾನದಲ್ಲಿ ಒಂದೇ ವರ್ಷದಲ್ಲಿ ಆಸ್ಟ್ರೇಲಿಯನ್ ಓಪನ್ ಮತ್ತು ಯುಎಸ್ ಓಪನ್ ಪುರುಷರ ಡಬಲ್ಸ್ ಪ್ರಶಸ್ತಿಗಳನ್ನು ಗೆದ್ದ ಅಪರೂಪದ ಮೂರು ಜೋಡಿಗಳಲ್ಲಿ ಒಂದಾಗಿ ಹ್ಯಾರಿಸನ್-ಸ್ಕುಪ್ಸ್ಕಿ ಜೋಡಿಯು ಇತಿಹಾಸ ನಿರ್ಮಿಸಿದೆ. ಇದಕ್ಕೂ ಮೊದಲು ಬಾಬ್ ಬ್ರಯಾನ್ ಮತ್ತು ಮೈಕ್ ಬ್ರಯಾನ್ ಹಾಗೂ ಜೇಮಿ ಮುರ್ರೇ ಮತ್ತು ಬ್ರೂನೋ ಸೋರ್ಸ್ ಜೋಡಿಗಳು ಮಾತ್ರ ಒಂದೇ ವರ್ಷದಲ್ಲಿ ಈ ಎರಡೂ ಪ್ರತಿಷ್ಠಿತ ಗ್ರಾನ್ ಸ್ಲ್ಯಾಮ್ಗಳನ್ನು ಗೆಲ್ಲುವ ಸಾಧನೆ ಮಾಡಿದ್ದವು.