ಜನವರಿ 16, 1936 ರಂದು ಪಶ್ಚಿಮ ಬಂಗಾಳದ ಕೋಲ್ಕತ್ತಾದಲ್ಲಿ ಜನಿಸಿದರು. ಶ್ರೀ ಇಂದರ್ ಪ್ರಸಾದ್ ಅವರ ಪುತ್ರ, ಕ್ಯಾಪ್ಟನ್ ಮಹಾಬೀರ್ ಪ್ರಸಾದ್ ಅವರನ್ನು ಜೂನ್ 9, 1957 ರಂದು ಭಾರತೀಯ ಸೇನೆಗೆ ನಿಯೋಜಿಸಲಾಯಿತು. ಅವರು ಶೌರ್ಯ ಮತ್ತು ವಿವಿಧ ಯುದ್ಧ ಗೌರವಗಳಿಗೆ ಹೆಸರುವಾಸಿಯಾದ ಸಿಖ್ ರೆಜಿಮೆಂಟ್‌ಗೆ ನೇಮಕಗೊಂಡರು. 1962 ರಲ್ಲಿ ಚೀನಾದೊಂದಿಗೆ ಯುದ್ಧ ಪ್ರಾರಂಭವಾದಾಗ, ಸುಮಾರು 5 ವರ್ಷಗಳ ಸೇವೆಯೊಂದಿಗೆ ಕ್ಯಾಪ್ಟನ್ ಪ್ರಸಾದ್ ಅವರು ಇಂದಿನ ಅರುಣಾಚಲ ಪ್ರದೇಶದಲ್ಲಿ  ತಮ್ಮ ಘಟಕದೊಂದಿಗೆ ನಿಯೋಜಿಸಲ್ಪಟ್ಟರು. ವಿವಾದಿತ ತಗ್ಲಾ ರಿಡ್ಜ್ ಇದು ಟಿಬೆಟಿಯನ್ ಭಾಗದಲ್ಲಿದೆ ಎಂದು ಚೀನಿಯರು ಹೇಳಿಕೊಂಡರು. ಆದರೆ ಭಾರತವು ಮೆಕ್ ಮಹೊನ್ ರೇಖೆಯ ಬದಿಯಲ್ಲಿದೆ ಎಂದು ಹೇಳಿಕೊಂಡಿತು. ಅದರಂತೆ, 1959 ರಲ್ಲಿ ಖಿಂಜೆಮನೆಯಲ್ಲಿ ಅಸ್ಸಾಂ ರೈಫಲ್ಸ್ ಪೋಸ್ಟ್ ಅನ್ನು ಸ್ಥಾಪಿಸಲಾಯಿತು. ಚೀನಿಯರು ಅದನ್ನು ವಿರೋಧಿಸಿದರು.  200 ಚೀನಿಯರ ಪಡೆ ಬೆರಳೆಣಿಕೆಯಷ್ಟಿದ್ದ ಭಾರತೀಯ ಪಡೆಯನ್ನು ಡ್ರೊಕುಂಗ್ ಸಾಂಬಾದಲ್ಲಿನ ನ್ಯಾಮ್‌ಜಾಂಗ್ ಚು ಸೇತುವೆಯ ಕಡೆಗೆ ತಳ್ಳಿ  ಮೆಕ್‌ಮೋಹನ್ ಲೈನ್ ಎಂದು ಹೇಳಿಕೊಂಡರು. ಚೀನೀಯರು ತೆರಳಿದ ನಂತರ ಭಾರತೀಯರು ಮತ್ತೆ ಅದನ್ನು ಆಕ್ರಮಿಸಿಕೊಂಡರು. 10 ಅಕ್ಟೋಬರ್ 1962 ರಂದು ಎರಡೂ ಕಡೆಯಿಂದ ಗುಂಡಿನ ದಾಳಿ ಪ್ರಾರಂಭವಾಗಿ ಶೀಘ್ರದಲ್ಲೇ ಯುದ್ಧವಾಗಿ ಉಲ್ಬಣಗೊಂಡಿತು. ಅಕ್ಟೋಬರ್ 20 ರಂದು ಬೆಳಿಗ್ಗೆ 5:14 ಕ್ಕೆ ಶತ್ರುಗಳ 150 ಬಂದೂಕುಗಳು ಮತ್ತು ಮೋರ್ಟಾರ್‌ಗಳು ನಮ್ಕಾಚು ಮತ್ತು ತ್ಸಂಗ್‌ಧರ್‌ನಲ್ಲಿರುವ ಎಲ್ಲಾ ಪ್ರದೇಶಗಳ ಮೇಲೆ ದಾಳಿ ಮಾಡಿದವು. 1ನೇ ಸಿಖ್‌ನಿಂದ ಕ್ಯಾಪ್ಟನ್ ಮಹಾಬೀರ್ ಪ್ರಸಾದ್ ಅವರನ್ನು ಆ ಪ್ರದೇಶದಲ್ಲಿ ನಿಯೋಜಿಸಲಾದ 1/9 ಗೂರ್ಖಾ ರೈಫಲ್ಸ್ನೊಂದಿಗೆ ಸೇರಿಸಿಕೊಳ್ಳಲಾಯಿತು. ಸಂಜೆ 500 ಚೀನೀ ಪಡೆಗಳು ಭಾರೀ ಫಿರಂಗಿ ಮತ್ತು ಇತರ ಮಧ್ಯಮ ಮೆಷಿನ್ ಗನ್ ಗಳೊಂದಿಗೆ ದಾಳಿ ಮಾಡಿದವು. ಒಮ್ಮೆಗೆ ಒಂದೊoದೇ ಗುಂಡು ಹಾರಿಸುವ ರೈಫಲ್ ಗಳೊಂದಿಗೆ ಕ್ಯಾಪ್ಟನ್ ಮಹಾಬೀರ್ ಪ್ರಸಾದ್ ತನ್ನ ಸಂಗಡಿಗರನ್ನು ಕಟ್ಟಿಕೊಂಡು ವೀರಾವೇಶದಿಂದ ಹೋರಾಡಿದರು. ಶತ್ರುಗಳ ಮೇಲೆ ಭಾರಿ ಪ್ರಮಾಣದಲ್ಲಿ ದಾಳಿ ಮಾಡಿ ದೊಡ್ಡ ಪ್ರಮಾಣದಲ್ಲಿ ನಷ್ಟ ಉಂಟುಮಾಡಿದರು. ಇದರಿಂದ ಶತ್ರು ಪಾಳಯದಲ್ಲಿ ಅಪಾರ ಸಾವು ನೋವುಗಳಾದವು. ಆದಾಗ್ಯೂ, ದಾಳಿಯ ಸಮಯದಲ್ಲಿ ಕ್ಯಾಪ್ಟನ್ ಮಹಾಬೀರ್ ಪ್ರಸಾದ್ ಮತ್ತು ಅವರ ಒಡನಾಡಿ ಲೆಫ್ಟಿನೆಂಟ್ ಮಹೀಂದ್ರಾ ಗಂಭೀರವಾಗಿ ಗಾಯಗೊಂಡರು. ಈ ಸಮಯದಲ್ಲಿ  ಕ್ಯಾಪ್ಟನ್ ಮಹಾಬೀರ್ ಪ್ರಸಾದ್ ಹುತಾತ್ಮರಾದರು. ಅವರ ಅತ್ಯುತ್ತಮ ಧೈರ್ಯ, ನಾಯಕತ್ವ ಮತ್ತು ಸರ್ವೋಚ್ಚ ತ್ಯಾಗಕ್ಕಾಗಿ ರಾಷ್ಟ್ರದ ಎರಡನೇ ಅತ್ಯುನ್ನತ ಶೌರ್ಯ ಪ್ರಶಸ್ತಿ "ಮಹಾ ವೀರ ಚಕ್ರ" ವನ್ನು ನೀಡಲಾಯಿತು. ಕ್ಯಾಪ್ಟನ್ ಮಹಾಬೀರ್ ಪ್ರಸಾದ್‌ರ ಸಾಹಸಕ್ಕೆ ಕರಾವಳಿ ತರಂಗಿಣಿಯ ಹೆಮ್ಮೆಯಿಂದ ನಮಿಸುತ್ತಿದೆ.

✍ ಪ್ರೀತಂ ರೈ ಇಳಂತಾಜೆ